「肥仔聰」仔女「舞」功了得出戰國際賽掃獎項 9歲長子擊敗對手成香港唯一晉身Top 24參賽者

更新時間：21:30 2025-09-04 HKT
發佈時間：21:30 2025-09-04 HKT

電影《少林足球》六師弟、綽號「肥仔聰」的49歲演員兼導演林子聰，與任職芭蕾舞導師的Christy拍拖12年，於2012年結婚愛情長跑，婚後誕下大仔林奕滔（Chester）及細女菲菲。林子聰的一對仔女最近跳出香港，在海外的舞蹈比賽上獲得佳績，林子聰非常自豪，大讚仔女「表現得超棒」。

林子聰仔女大得快

林子聰日前在FB分享仔女獲獎喜悅表示：「呢個暑假真係過得特別充實，每日都非常忙碌（不停接送），但見到阿仔阿女嘅成長同成績，真係一切都值得！首先喺香港一輪比賽做熱身，然後再同小朋友一齊去咗新加坡參加舞蹈比賽，兩個都表現得超棒，攞到好成績！更開心嘅係，仔仔代表香港入到Top 24，大家諗都冇諗過，因為對手實在太強，得到呢個成績要感恩他們有一個非常好的跳舞老師Miss Ngan ，還有學校校長嘅栽培。另外大家冇睇錯呀，呢個笑容燦爛嘅小妹妹真係我個女～不經唔覺已經6歲啦！而阿仔都已經九歲半，時間真係過得好快。」

林子聰大仔街舞比賽多度獲獎

原來林子聰的9歲半大仔林奕滔早前參加香港挑戰盃舞蹈比賽，憑勁度贏得街舞初級組冠軍，之後出戰在新加波舉行的國際賽，在9至12歲的小組級別中奪冠。有指林子聰的囝囝林奕滔是街舞比賽常客，曾多次獲獎，亦在去年的比賽上摘下全場總冠軍。

林子聰大仔12月到泰國參賽

林子聰的兒子林奕滔早前參加的「International Youth Dance Competition」（IYDC）由香港主辦，今年比賽在新加坡進行，香港派出逾20位代表，與美國、中國、台灣、泰國等地的對手較量。林奕滔不但在組別中勝出，而且是香港代表中，唯一晉身賽事Top 24的參賽者，排在第13位，12月將到泰國參加總決賽。

相關閲讀：《少林足球》六師弟林子聰被網民野生捕獲！身形出現變化健康惹人關注