張學友東莞演唱會遇突發狀況 演出中途疑身體不適：我要喺呢度終止個演唱會
發佈時間：16:00 2025-09-01 HKT
「歌神」張學友近年為「張學友60+巡迴演唱會」四周巡迴演出，日前前在東莞進行演出，不過今次東莞站可謂一波多折，這個演唱會原定於今年6月6日至8日連開3場，但因有兩天與中國高考撞期，再加上附近有考場，故日前遭到部分市民投訴，結果主辦單位宣布演唱會改為8月29日至31日舉行。
張學友突然宣布要終止演唱會
張學友演唱會東莞站昨晚（31日）舉行尾場，張學友演出中途在台上突然宣布要終止演唱會：「大家都見到，開始嘅時候好難控制自己啲聲，大家都知我做咗40年，要我做一個、唔好話百分之一百，或者百分百掌握到自己滿意嘅演唱會，我係過唔到自己嗰關。今次我揀嘅歌並唔係容易唱，但冇提握可以完成今晚嘅演出，我知對我所有老師、20多位Dancers唔公平，我覺得非常抱歉，我要喺呢度終止個演唱會！」
相關閱讀：張學友澳門演唱會被要求講普通話高EQ回應獲讚 歌神身份都被拒諸門外：唔好覺得自己係傳奇
張學友坦言「好憎恨自己取消個演唱會」
對於張學友突然宣布要終止演唱會，全場觀眾驚嚇地發出叫聲，張學友續說：「我好憎恨自己取消個演唱會，今次仲係二次，上一次唔關我事，我係好想唱，但唱唔到。」說罷張學友扭轉身背向觀眾，冷靜一會後，他哽咽地說：「我會繼續努力，唔知點收科，我轉頭行咗入去，跟住大家散，係咪咁樣？我應唔應該繼續做落去呢？而家係跳到舞，冇問題，仲做到一字馬（即場做給觀眾睇），一字馬係冇問題，仲係非常之好身手。」
張學友返港休息希望以更佳狀態示人
張學友還說：「我記得第一晚同大家講過，如果冇得演唱就唔係演唱會，我之所以同大家講，係因為我冇把握唱，雖然係有機會既，希望大家唔好太介意，我而家都係聲沙沙，大家都睇咗半場，如果大家退飛係冇問題，係咪先？如果我繼續落去嘅話，我真係好想繼續做落去，我相信冇人比我更加想繼續做落去，相信大家都清楚我好鍾意唱歌，鍾意到發癲，就算聲爛晒都想繼續唱。」聽見觀眾不斷歡呼和鼓勵，學友就再說：「不如咁喇，反正我都做到而家，不如我繼續唱，唱到真係唱唔到，你哋咪退飛，好冇？」完騷後張學友戴住口罩向歌迷揮手致意，他將會返港休息，希望之後以更佳的狀態示人。
相關閱讀：張學友東莞站巡迴演唱會遭家長集體投訴與高考撞期 主辦方宣佈延期舉行並致歉
