《中年好聲音2》顏米羔罕爆離婚細節 青梅竹馬前妻提出分手：九成都係我問題
發佈時間：19:30 2025-08-31 HKT
顏米羔（原名顏金達）參加《中年好聲音2》奪得季軍而為人熟知，他加入樂壇前是一名電影導演及攝影師，近日他接受梁泰來主持的電台節目《星光背後》，分享追夢辛酸及離婚細節。
顏米羔離婚原因曝光
顏米羔曾透露，在參加《中年好聲音2》前離了婚，人到中年去路未明，伴侶未能白頭到老，人生陷入低谷。顏米羔在節目中分享，與前妻是中學同學，並先後入讀香港演藝學院，然後加入娛樂圈從事幕後工作。青梅竹馬走入婚姻卻離婚收場，顏米羔被問及離婚原因，一開始不想多談：「因為愛，所以唔想消費對方。」當再被追問是否前妻先提出分開，他認為主要原因是大家感情變淡，表示：「大家都認真溝通過先決定，咁耐以嚟，九成都係我問題。我啲藝術家脾氣，係愛理不理，成日話你會明啦？唔明我都費事解釋！久而久之，就變咗習慣唔溝通。大家係有共識，認為各自生活開心啲，九成都係我問題，決定係唔開心，但係令我上咗一課，反而係好事。」
相關閱讀：大師兄Welcome Summer大激戰丨顏米羔頭埋濕身龍婷胸前 支嚳儀與東張女神輪流除衫彈彈吓
顏米羔被公開追債變新聞人物
顏米羔被朋友公開追債兩萬元成新聞人物，他重申，「我無問人借錢，只係之前搵人做嘢唔記得出糧。」事後他馬上償還再付利息平息事件，今天再談風波，顏米羔承認從前發生很多問題，都因為他愛拖延的性格累事，「事實係咁，我唔會話無呢件事。呢次係對我好好嘅一課，要即刻解決問題。以前嘅我，成日諗住『轉頭先』，但之後拖吓就唔記得咗，到人哋第二次提就會嬲啦，呢課係幾慘痛。」他承認婚姻出現問題，情況也相同，「係，都可以咁講，追求歌唱夢都係咁，等吓等吓就四十幾歲，所以而家唔想再等，想做就去做。」
相關閱讀：顏米羔否認《中年》搶show不同意魯振順所言 捲欠債風波揸保時捷車女7字妙答
顏米羔中學時期已是歌唱比賽常客
顏米羔自小父母離異，跟母親及三個家姐長大，中學期間已贏過不少歌唱比賽三甲，至於年青時為何不找機會當歌手，他說：「梗有諗過，都遇過評判叫我試音。但一來驚畀人呃，二來當時流行四大天王，覺得自己年輕距離爭好遠，加上認為要先讀書，就放棄咗！」未修畢演藝學院的電影電視系，顏米羔就有機會入行從事攝影及幕後，期間亦組過兩隊獨立樂隊。問及跟不少歌手如鄧麗欣、側田等稔熟的顏米羔為何不找人介紹轉當幕前，他說：「做咗攝影師係死要面，搲人好樣衰咁，咪組吓band發洩下就算，咁就過咗十年八年！」
相關閱讀：顏米羔澄清跑車長髮女是工作人員 被追數認疏忽：當係一個經驗 羅啟豪期待踏上啟德舞台
「周潤發死對頭」60歲前妻罕現身任《中4》評審？
顏米羔生活曾經一塌糊塗
參加《中年好聲音2》前，顏米羔形容自己是收入不穩定的freelancer，踏入40歲生活更一塌糊塗，幸好經從前歌唱比賽戰友鼓勵參加《中年好聲音2》，「其實比賽前我有一段時間好唔開心，就係離婚，個人好down。踏入男人40好多嘢好躊躇，究竟我人生發生乜嘢事？點解一塌糊塗到咁？真係多謝個比賽，令我 restart，感覺就似係機器熄機再重啟！之前無諗過比賽行到幾遠，我同人講，係為贏而玩。但贏無關名次，只係要超越自己，有無贏到下一次機會，對得住自己每次響台上嘅表演。最終季軍我亦無輸，因為我贏咗自己。」
相關閱讀：顏米羔認衰仔 首揭走數真正原因 為困境搵商機出招狂冧「米飯班主」丨獨家
