「阿燦」廖偉雄死過翻生？稱因一事隨時要坐輪椅 慶幸得到高人指點：中風唔係可怕事
發佈時間：23:00 2025-08-29 HKT
67歲廖偉雄（阿燦）在90年代淡出幕前轉行從商，曾經歷破產的廖偉雄近年專心發展有機農業，除了開「燦神龍場」之外，還種植「亞燦米」，試過獲得多項殊榮，近期他亦在馬來西亞吉隆坡開設1.5萬呎、4層高的綜合性飲食娛樂基地，有傳他的身家已過億。
廖偉雄拍片稱中風後因一事有機會坐輪椅
不過廖偉雄的健康屢現問題，在去年11月底發現左下顎僵硬兼痲痺，其後自爆左腳中風，右腳痛風，最後選擇中醫，包括推拿、針灸等 ，情況出現好轉，康復後積極拓展事業版圖。日前廖偉雄在自家YouTube頻道拍一段短片，他直言：「今次中風如果按常規嘅醫療流程嚟處理嘅話，我諗我已經坐咗喺輪椅上面。」
相關閱讀：EYT男星移居大馬變飲食大亨 1.5萬呎4層高綜合性飲食娛樂基地曝光 曾破產中風仍有鬥心
廖偉雄早前曾自爆左腳突然感到乏力並漸失控制力：「完全冇知覺，大鑊啦，死啦，中風呀！朋友問『使唔使去睇吓？』我話『唔使，我有藥。』一啪落去，啲氣血通啦，隻腳行得番。」接着輪到右腳痛風，廖偉雄稱試過多種治療，最後他選擇中醫，包括推拿、針灸等，廖偉雄還說：「呢個故事教訓我哋，呢個病情唔係簡單，中風唔一定係個心塞咗，仲有好多原因令你血液流通唔到，中風係冇預警，佢話嚟就嚟㗎啦！」日前廖偉雄在拍短片憶述當時情況：「如果你嘅手或者腳突然失去咗知覺，呢個係一個很嚴重嘅訊號，發生咗呢啲事之後，你總共會有四個半小時嘅黃金時間去搶救。」廖偉雄稱疫情期間在馬來西亞認識了很多曾經中風的朋友， 聽他們的經驗分享，令他知道原來中風很重要、很重要的一件事，就是你能不能夠爭取到時間：「佢哋每個人身上都帶住一粒藥，有乜事就即啪落去，然後先有時間去搵醫生理解病情。」
廖偉雄慶幸得到高人指點：「我隻左腳突然之間冇晒知覺，我即刻啪一粒藥，15分鐘搞掂，點知過二日又嚟過，我又即刻啪一粒藥，但係持續咗8次，每次都係朝早就嚟，即係話隻藥可以幫你通到，但係唔可以醫到，我咪去睇醫生。」本來廖偉雄打算去針灸的時間，但起床發現屁股位置有點痛：「我記起原來整件事發生之前嘅幾日， 我撞到屁股，諗住搽跌打酒就好，點知原來外邊冇事，但係裡面有事，每晚瞓覺責住啲血管，根本唔流通不了，所以就造成點解隻腳每朝都失控。」最後廖偉雄說：「中風唔係可怕嘅事，可怕嘅係爭取唔到時間去解決它，所以好重要嘅一件事係一定帶著一粒藥喺身，有乜嘢就食咗佢，呢一粒藥到底係乜嘢藥呢？千祈唔好問我，應該問你嘅醫生，因為呢啲係佢嘅工作，其次係要知道自己嘅病歷，等醫生可以分析到再對症下藥，第三件事就係記住中風係冇輕微，唔好以為嘴有啲硬就冇嘢，到你流口水嘅時候就好難醫，最後係唔好諗住自己仲後生，而家啲病毒係亂晒大龍，總之自己保重。」
相關閱讀：萬千星輝賀台慶2024｜「撻成一塊」激罕合體！廖偉雄驚喜登場一原因唔敢唱歌
