「阿灿」廖伟雄死过翻生？称因一事随时要坐轮椅 庆幸得到高人指点：中风唔系可怕事
发布时间：23:00 2025-08-29 HKT
67岁廖伟雄（阿灿）在90年代淡出幕前转行从商，曾经历破产的廖伟雄近年专心发展有机农业，除了开「灿神龙场」之外，还种植「亚灿米」，试过获得多项殊荣，近期他亦在马来西亚吉隆坡开设1.5万呎、4层高的综合性饮食娱乐基地，有传他的身家已过亿。
廖伟雄拍片称中风后因一事有机会坐轮椅
不过廖伟雄的健康屡现问题，在去年11月底发现左下颚僵硬兼痲痺，其后自爆左脚中风，右脚痛风，最后选择中医，包括推拿、针灸等 ，情况出现好转，康复后积极拓展事业版图。日前廖伟雄在自家YouTube频道拍一段短片，他直言：「今次中风如果按常规嘅医疗流程嚟处理嘅话，我谂我已经坐咗喺轮椅上面。」
相关阅读：EYT男星移居大马变饮食大亨 1.5万呎4层高综合性饮食娱乐基地曝光 曾破产中风仍有斗心
廖伟雄早前曾自爆左脚突然感到乏力并渐失控制力：「完全冇知觉，大镬啦，死啦，中风呀！朋友问『使唔使去睇吓？』我话『唔使，我有药。』一啪落去，啲气血通啦，只脚行得番。」接着轮到右脚痛风，廖伟雄称试过多种治疗，最后他选择中医，包括推拿、针灸等，廖伟雄还说：「呢个故事教训我哋，呢个病情唔系简单，中风唔一定系个心塞咗，仲有好多原因令你血液流通唔到，中风系冇预警，佢话嚟就嚟㗎啦！」日前廖伟雄在拍短片忆述当时情况：「如果你嘅手或者脚突然失去咗知觉，呢个系一个很严重嘅讯号，发生咗呢啲事之后，你总共会有四个半小时嘅黄金时间去抢救。」廖伟雄称疫情期间在马来西亚认识了很多曾经中风的朋友， 听他们的经验分享，令他知道原来中风很重要、很重要的一件事，就是你能不能够争取到时间：「佢哋每个人身上都带住一粒药，有乜事就即啪落去，然后先有时间去揾医生理解病情。」
廖伟雄庆幸得到高人指点：「我只左脚突然之间冇晒知觉，我即刻啪一粒药，15分钟搞掂，点知过二日又嚟过，我又即刻啪一粒药，但系持续咗8次，每次都系朝早就嚟，即系话只药可以帮你通到，但系唔可以医到，我咪去睇医生。」本来廖伟雄打算去针灸的时间，但起床发现屁股位置有点痛：「我记起原来整件事发生之前嘅几日， 我撞到屁股，谂住搽跌打酒就好，点知原来外边冇事，但系里面有事，每晚瞓觉责住啲血管，根本唔流通不了，所以就造成点解只脚每朝都失控。」最后廖伟雄说：「中风唔系可怕嘅事，可怕嘅系争取唔到时间去解决它，所以好重要嘅一件事系一定带著一粒药喺身，有乜嘢就食咗佢，呢一粒药到底系乜嘢药呢？千祈唔好问我，应该问你嘅医生，因为呢啲系佢嘅工作，其次系要知道自己嘅病历，等医生可以分析到再对症下药，第三件事就系记住中风系冇轻微，唔好以为嘴有啲硬就冇嘢，到你流口水嘅时候就好难医，最后系唔好谂住自己仲后生，而家啲病毒系乱晒大龙，总之自己保重。」
相关阅读：万千星辉贺台庆2024｜「挞成一块」激罕合体！廖伟雄惊喜登场一原因唔敢唱歌
