魯振順百病纏身 自爆做通波仔手術兼受前列腺問題困擾：有啲滴滴仔
發佈時間：16:02 2025-08-29 HKT
入行逾40年的前TVB「綠葉王」魯振順在今年6月約滿離巢，魯振順在第八期TVB藝員訓練班畢業後，初出道時曾受TVB重用，有不少工作機會，不過在80年代轉戰電影，雖然曾以男一身份拍電影《天皇巨星》，可惜最後欠下逾200萬元巨債，令人生陷入谷底。
其後在金牌監製梅小青及劉家豪的引薦下，魯振順終可返回電視界發展，聲勢當然如不如從前，再加上受失戀與及欠債困擾，試過借酒消愁醉後自殘割斷9條筋斷，死過翻生的魯振順重新振作，花5年時間努力工作賺錢還債。近日魯振順接受陳志雲的YouTube頻道訪問，演出作品無數的魯振順，原來經過多年捱更抵夜工作，魯振順身體狀況出現了問題。
相關閱讀：67歲「卡拉之星」離巢TVB後於中式酒樓演唱維生 資深傳媒人：已成離巢藝人搵食之道
魯振順回復自由後，除了到內地內地登台兼拍廣告外，亦加盟家燕媽媽藝術中心擔任演藝訓練班的導師，魯振順又曾希望可以做直播或拍短劇，生活過得相當充實。今年已經67歲的魯振順，近日接受陳志雲的YouTube頻道訪問，談到近年身體狀況，魯振順說：「嗰陣時為咗努力還200萬嘅債，要經歷好磨練，所以有陣時個人點解會怪怪哋，因為好痛，變咗有時候五臟六腑會傷心，變咗好易有心臟病，變咗腦上面開始有記憶老化，一個意念唔好，經歷唔好，雖然身體表面上冇真正嘅傷害，但係已經潛在啲唔好嘅因子，到咗年紀大，前排身體檢查，驗完話要通波仔，不過因為冇乜病徵，所以做完第四日可以唱歌，第七日去貴州做騷。」
但原來魯振順同時受前列腺問題困擾，自嘲變成「滴滴仔」：「到咗我哋呢啲年紀，都係有啲『滴滴仔』，半夜三更就會一個鐘起身屙尿一次，甚至乎有啲炎症，就會半個鐘起身屙尿一次，有陣時我都自己，點樣先可以畀我瞓覺？但係我日頭係唔會屙，好奇怪，唔知啲水分去咗邊，夜晚一瞓低水分就出現，有時係有啲量，但有時唔會係好多。」魯振順又稱看完醫生後，情況仍未有改善：「 而且仲加上埋泡泡尿，蛋白泡，醫生叫我除咗平時食嘢要小心啲，仲開咗藥畀我食。可能因為我哋作息不定時，你知我哋做呢行，日頭我哋可能要瞓覺，夜晚開工有時去外景，大、細都忍住唔去，忍忍吓都忍壞咗。」經歷過後，魯振順說：「其實去到咁嘅年紀，人係粗粗略略估計有三萬日， 70歲原來只餘下幾千人日，所以咪珍惜下，要過得開心啲，有得食就食，有得玩就玩。」
相關閱讀：魯振順憶自殘割斷9條筋！做電影男一欠巨債 向愛情長跑女友求婚反被飛：你玩我7年？
