鄧兆尊寸爆張佳添「膊頭之交」論：女方肯忍受係各取所需 出位言行或累失評審工作？
發佈時間：11:00 2025-08-27 HKT
現年54歲的《中年好聲音》評審、著名音樂製作人張佳添，早前被爆跟前TVB女星、曾演《愛．回家之開心速遞》「高小姐」的甄采浠發展地下情一年。即使被拍得搭住甄采浠膊頭、甄采浠又攬住他腰部，二人一杯咖啡兩份飲，但張佳添仍否認二人拍拖，僅指對方是認識很久是「膊頭之交」。「膊頭之交」成為娛樂圈熱門詞彙，鄧兆尊近日就開咪寸爆張佳添，指他一直是「冇腳雀仔」故此否認不意外，又表示或許張佳添要學生成「膊頭之交」，方肯教人唱歌。另外亦認為甄采浠因為一點，所以會容忍張佳添否認戀情。
鄧兆尊寸爆「冇腳雀仔」張佳添
鄧兆尊和吳家樂日前為《娛樂好好玩 》開咪，眾人討論到張佳添「膊頭之交」的熱門話題，表示之前未聽過此詞彙，並直指看當日二人被拍得的照片，男的搭膊頭、女的攬腰，就算是男方大女方一截，也會一眼被認定是情侶，鄧兆尊就直指男方必定已經「得米」：「未得米個女仔點會咁樣攬腰」。對於張佳添指跟甄采浠並非拍拖，鄧兆尊就話：「阿張Sir話自己係冇腳雀仔嘛，呢次佢咪衝落去啄一啄，之後咪繼續飛囉，佢話自己唔會有長久關係吖嘛，講咗好多次啦」。
相關閱讀：54歲張佳添被爆戀細10年黃宗澤舊愛 傳力追樂易玲只係煙幕？ 曾有兩段婚姻屢傳緋聞
鄧兆尊指張佳添甄采浠各取所需
吳家樂之後說戥甄采浠不值，這樣都被否定關係，鄧兆尊則表示「個女仔唔會咁蠢嘅，佢獻得身畀你，或者有呢啲關係，就一定有所求，可能佢哋大家取長補短啫」。被指似乎很有經驗，鄧兆尊立即道「我梗係有經驗啦，所以送埋嚟嘅嘢我係唔會食」。
鄧兆尊笑指張佳添學生或全屬膊頭之交
鄧兆尊之後再補充：「可能阿添Sir會搭住同人講，喂你學唔學唱歌呀，嚟，做個膊頭之交先，你就可以學唱歌喇，你想唔想學飆高音呀？」吳家樂立即一唱一和：「點樣飆高音呀」，鄧兆尊就話：「睇下你想點學啦，可以揀瞓喺度飆，又可以企喺度飆」，吳家樂即時笑得彎下腰。
吳家樂重提張佳添樂易玲緋聞
吳家樂之後又重提張佳添和TVB高層樂易玲的緋聞，指不知出現「膊頭之交」新聞後，張佳添是否需要交代，鄧兆尊表示：「依家人哋做緊《好聲音》評判，睇吓會唔會突然消失咗咪知囉。但咁樣都太揚會畀人知，可能會同佢講，做埋今個月就冇得撈」。
相關閱讀：張佳添被指與甄采浠拍拖一年 首公開回應關係：膊頭之交 被海兒封「冇腳老狐狸」
