56歲前港姐陳淑蘭榮升嫲嫲？晒兒媳家庭照享天倫樂 被孫仔冧爆：吃甚麼都甜在心
發佈時間：09:00 2025-08-23 HKT
現年56歲、1988年《香港小姐競選》亞軍兼最上鏡小姐的陳淑蘭（Sheila）入行多年情路坎坷，雖然情史相當豐富，除了方中信和祁文傑外，又曾與天王黎明與及富豪利承武拍過拖，可惜最後戀情無疾而終，至今陳淑蘭的感情未有着落。
陳淑蘭突然在FB貼上多張家庭照
早前陳淑蘭突然在FB貼上多張家庭照並說：「今天大孫子一直拖著我，非常受寵。有乖兒子、乖媳婦、乖孫子，吃甚麼都甜在心！仲有最多謝祁生手痛都用咗三日為我預備生日宴，Sweet Ki's Family.」
相關閱讀：黎明「舊愛」自爆去過鴨店！因一事火速delete 自認好色都難接受：真係嘥時間
陳淑蘭與祁文傑家人的關係亦很好
原來陳淑蘭所指的乖兒子、乖媳婦、乖孫子是前度祁文傑的兒子一家，想不到陳淑蘭和祈祁文傑分手後，不單再見亦是朋友，連與對方家人的關係亦很好，比家人還要親近。陳淑蘭拍片逐一介紹家人，她先介紹乖孫子，接着再直擊廚房情況，看到祁文傑與兒子悉心炮製美食，陳淑蘭都忍不住說：「係祁文傑大廚悉心為我整架，獅子頭同豬手，孫子今日拖咗我好多次，我好受寵若驚。」陳淑蘭曾自爆當年為追求漫畫家祁文傑曾努力惡補漫畫，兩人在1996年拍拖，可惜二人最終因性格不合而分開，不過分手後依然是朋友，二人不時在社交場合碰面。陳淑蘭曾自認揀男人有一手：「我覺得係我好彩！以前的人覺得我係傻大姐，其實我唔係傻，我揀好男人有一手，所以就算做唔成夫妻都可以做朋友，可以交心，唔會互相背叛。好似祁文傑咁，佢的確好好，但大家真係冇緣份，點解分手就唔可以做朋友呢？佢哋者係好好嘅人，唔做朋友係我嘅損失。」
陳淑蘭曾為祁文傑與陳芷菁反目
陳淑蘭在2001年曾為祁文傑與陳芷菁反目，廿年不相往還，當時她誤會陳芷菁想爭她當時的男朋友祁文傑而非常憤怒：「其實成件事係冇嗌過交，由始至終係我潑婦罵街，仲要公器私用，喺報紙專欄鬧佢，又出封面，我仲要寫：『我為甚麼憎恨陳芷菁？』」陳淑蘭解釋那時有段時間，與當時男友祁文傑、陳芷菁和另一位朋友常四人行，豈料那位朋友經常挑撥離間：「嗰個人話，你小心啲陳芷菁，佢話當時同我拍拖嗰個男朋友會鍾意陳芷菁多啲，如果佢鍾意祈文傑，祈文傑根本唔會揀我。」直至2022年，因一次飯局才化解誤會，陳淑蘭主動道歉並跟陳芷菁媽媽說：「嗰個感覺係個心好痛，因為我搞佢個女，我第一時間同佢媽咪講：『Auntie對唔住，我蝦你個女！』Auntie話冇嬲過我，佢真係好好！」
相關閱讀：陳淑蘭罕談「為情自殺」細節！返TVB開工不見蹤影 匿廁所鎅手：有個女人想攞我命
