關嘉敏想搵十項全能男友信細John單身讚對方烹飪了得似父親

影視圈

更新時間：21:15 2025-08-22 HKT
發佈時間：21:15 2025-08-22 HKT

關嘉敏（Carman）、黃洛妍（Janees）今日（22日）出席於會展舉行的「香港傑出數碼品牌大獎2025」，二人均稱以前不擅於科技方面，笑問找個精於科技的男友？Carman表示其夢寐以求男友是十項全能，識換燈膽又懂下廚，以及能為她處理有關電子和文書，具十項全能便會嫁給對方。問《女神配對計劃》的追求者有否這特點？她直說：「原來真係好難搵，唔怪得我單身！相處同了解後，佢哋有好多吸引之處。」Carman大讚細John（姜卓文）像她的爸爸一樣烹飪了得，她說：「細John煮嘢食好叻，正呀！好似我老竇，因為我老竇係廚師，所以一見到佢就諗起我爸爸，哈哈！」雖然她未曾試過細John手勢，單看片段已覺得好味，對方曾提議找機會一起拍煮食影片。

Carman與Matthew好有緣

提到《東周刊》爆細John背着她力追網紅CoCo，Carman坦言看報道後感到驚訝，但也相信對方，她說：「冇直接問佢，我信佢！同佢拍攝嘅時候覺得佢係好真誠嘅人，唔知真定假，當一段新聞咁睇，我都相信節目組，唔會咁跣我，搵個唔係單身嘅嚟配對。」Carman又指另一追求者Matthew（黃家俊）能給她情緒價值，與對方很有緣份，出席活動或拍攝時，與他的衣着不約而同合襯，他能給予心靈上照料，電子和文書都叻，又有教書，讚他頗為吸引。問選哪位做男友？Carman直言未揀到，並叫大家留意節目。本月24日是Carman生辰，問細John有何表示？她表示《女神》的幾位男生也約她吃生日飯，而她打算連同幾位女神一大班聚餐。