廖慧儀疑受情緒病困擾 貼崩潰爆喊影片稱「覺得唔得喇」 一舉動遭網民揶揄？
發佈時間：18:00 2025-08-22 HKT
現年29歲、曾有「狂野港姐」之稱的小花廖慧儀（Jessica）在2020年落選後簽約TVB，本來因擁索爆身材兼樣貌端好而備受網民注意，不過因前度男友輕生而形象插水，結果被TVB雪藏全面停工。
廖慧儀對鏡頭爆喊自拍片惹爭議
近年廖慧儀主力拍攝旅遊綜藝節目，經常以「開倉」形式大派福利，性感上陣盡展好身材，總算累積了不少人氣，但昨日（21日）突然在IG撰長文疑受情緒病困擾，並貼上對鏡頭爆喊的自拍片，但網民反應兩極，惹來不少爭議。
相關閱讀：黑色月光丨廖慧儀罕有開腔談前男友自殺 形容「受千夫所指」：哭過數之不盡的次數
廖慧儀疑受情緒病困擾
疑受情緒病困擾的廖慧儀昨日在IG撰長文並稱：「『我們都是第一次活，手忙腳亂是正常的。』2025年8月：九個月了。希望這個小魔怪不要再來找我，如果再來的話，我相信都會輕鬆駕馭得到的。呢一年同佢共處，消耗了好多好多時間同耐性，也感謝最親的你們忍耐我。今年忍唔住講咗好多次『我覺得唔得喇』但都要不斷說服自己『我相信自己得』、『我相信所有嘢都會變好，一定會好返』，吸引力法則吸到我來到8月了，一直都有好想變好的決心，多謝你們，多謝自己沒有放棄。」廖慧儀續說：「今年29歲了，感受最深係，身邊有好多好錫你嘅人，當然要感謝佢地嘅出現陪伴同幫助。但到最後，始終都要自己一個堅強走落去，面對自己。做一個獨立、堅強同勇敢嘅人絕對係我嘅課題。仲有一年就3字頭喇，人越大越享受一個人，又可以話人越大越要學識『享受一個人』。就算一個人受苦都係一種享受。總結：如果你唔開心就去跑啦，跑完會好啲。」
廖慧儀鏡頭前罕崩潰爆喊惹網民質疑
廖慧儀的好友們紛紛留言，何泳芍說：「鏡頭面前笑係一種堅強，將脆弱嘅一面表露畀人睇更加需要勇氣。願能在救贖的路上和你結伴同行。」黃紫恩亦說：「睇到眼濕濕，Jessica 加油，想同你講你已經好叻了，願意接納願意同佢並存而冇選擇去逃避，我明白你，我地一齊行過去！」但有網民質疑：「邊有人喊會拎手機影住自己？」廖慧儀亦有回覆：「影低佢對記錄病發日期時間、同自己嘅狀態有幫助，就好似健身嘅人都會影低自己食咗啲咩，幾時食。我覺得呢個方法好有用會睇到自己嘅改變。」不過有網民似乎不太認同：「做記錄可以，但係post 出嚟搏乜啫～唔好扮啦。」、「你講嗰個方法係正常，但無人叫你放上網公開畀人睇你幾時喊點樣喊，偷偷喊仲咁大聲，你弱智？」、「每次見到都好好奇，請問你係roll咗機先喊定一喊即刻roll機？」
相關閱讀：「狂野港姐」比堅尼多角度自拍極震撼 胸前陰影惹網民質疑 被寸唔紅高EQ回應
廖慧儀傳戀上孔德賢前度男友自殺身亡
廖慧儀在參選港姐期間被傳戀上TVB藝人孔德賢，結果前度男友自殺身亡，當時遺言有不少內容更涉及女方，再加上被前度的胞妹直斥相當冷淡，令形象直插谷底，隨即被TVB即時雪藏，對於因前度自殺身亡而被千夫所指，廖慧儀曾表示事件對她一生人都有很重大的影響，她亦稱這段時間好像人生的一段「空白期」，還為事件哭過數之不盡的次數，最低潮的時候，她更把自己困在瑜珈練中心很長的一段時間，很怕見人。今次廖慧儀貼上這段爆喊片，亦有人說：「唔好扮嘢啦，以為喊就可以洗白咩，比你搞到人哋無咗個仔。」、「真係識諗，又樂觀做人又堅強，仲識發放正能量。有啲人喊都冇機會喊，時間永遠停留喺27歲。」
