林家謙邀陳凱詠做演唱會「急召嘉賓」即場被「翻舊帳」要求回報做MV男主角

更新時間：17:15 2025-08-21 HKT
發佈時間：17:15 2025-08-21 HKT

林家謙一連兩場演唱會第二晚（20日）繼續星光熠熠，方皓玟、雲浩影、雷同二友、蔡一智、Serrini、湯令山（Gareth.T）、俞琤等好友現身觀眾席支持。這晚邀請了陳凱詠（Jace）做嘉賓，上次Summer Blues Jace因為檔期未能配合，Jace只拍了視頻對唱，今次終於可以真人現身，當台上禮物盒打開、Jace驚喜登場時，觀眾歡呼大叫，差點把她的歌聲也壓下去。

Jace爆未夠一星期通知

家謙、Jace先是對唱《四月物語》，繼而再合唱《隔離》。Jace一出場即「投訴」：「好驚呀！第一次做你嘉賓，可唔可以咁講，但邊個臨時急召，得一個禮拜通知我做嘉賓？一個禮拜通知都冇！搞到我鬼死咁緊張。」家謙聞言笑指責任不在自己：「哈哈……問Alex（演唱會監製）啦，呢單嘢唔係我跟開！」Jace即刻反擊：「吓，你射走（卸責）？」家謙搞笑回應：「係咪想摑我兩巴？」互動盡顯好友默契。

家謙讚Jace識玩用群眾壓力

Jace繼續「翻舊帳」：「你成日搵得我好急㗎！《四月物語》嗰啲，都係突然間！」家謙即感謝：「係喎，要多謝你做我《四月物語》MV主角，搞到view數高咗！」Jace隨即提出合作邀約：「你有冇睇我新歌MV，我下隻歌好斯文下，你幫返我手做主角啦！家謙做主角我多啲人睇，大家係咪呀？」家謙卻自嘲演技又反笑Jace識玩：「你對我係咪有咩誤會？我指演技方面啊……哈哈……唔應該搵我做戲！依家啲人上紅館，都係用群眾壓力叫人幫手，識玩呀你。」Jace隨即宣布，「我識呀，我都準備……準備開紅館！」隨即引發台下歡呼聲。

↓立即下載星島頭條App↓