90年代選美冠軍慘被家暴 遭未婚夫打到撻落地兼「有啲嘢流出」：估唔到會做魯莽行為
發佈時間：09:00 2025-08-15 HKT
90年性感女神張慧儀在1992年當選馬來西亞怡保區華裔小姐冠軍後，隨後參選「國際華裔小姐」，落選後成為TVB藝人，曾在處境劇《真情》中一人分飾「李彩瑤」和「吳芳貴」兩角而入屋，雖然入行多年不乏演出機會，不過最後的因「情」而黯然淡出幕前，轉型從商。
張慧儀情路明顯不及演藝路平坦
張慧儀的情路明顯不及演藝路平坦，入行初期先後與《真情》的「立生」盧慶輝和「拉丁舞王」霍紹裘拍過拖，但統統不愉快收場。除了與盧慶輝拍拖一年「被分手」外，更試過被未婚夫「拉丁舞王」家暴鬧上港聞版頭條，幸好遇上患有先天性心臟病的養子張晃維（Hanson），人生才得以改變。
相關閱讀：《真情》女星匿埋獨自落淚片流出！做單親媽照顧病兒19年：有得選的話，誰想一個人硬撐
張慧儀被家暴後打擊至深
單身多年的張慧儀鮮未有再傳出戀情，她曾自嘲「跟自己看人眼光有關」，自認曾是戀愛腦的張慧儀，當年被霍紹裘家暴後打擊至深， 她曾在記者會上說：「估唔到有人會做出衝動及魯莽行為，更加估唔到討論時據理力爭嘅情緒，會成為今日畀人攻擊嘅武器。雖然失去一段美滿婚姻嘅憧憬，但所有都會成為過去，我會更加珍惜人生嘅嘢。」張慧儀還坦言事件是一個遺憾，人生一個不好的經歷。張慧儀多年後曾在鍾慧冰的YouTube節目「冰姐的花樣人生」還原事件：「我記得嗰日佢一郁咗手，第二日我有一部電影開鏡拜神，我仲係女主角嚟！佢打我之後，我即刻撻咗落地下，感覺有啲嘢流咗出嚟，一定係血啦，流鼻血！跟住呢度（指住眼部）即刻腫咗、瘀咗。」
張慧儀人生上咗第一次港聞版
張慧儀當刻只想第二日如何開工：「如果冇一個理由突然間唔出現，我喺呢個圈就玩完㗎喇喎！跟住我把心一橫，宣布我唔結婚喇，但係我冇諗過個後果，我報警，搞到好大件事，就係呢件事人生上咗第一次港聞版，睇到自己戴住口罩、帽同眼鏡嘅相，嗰剎那真係我唔知點講。」其實當時二人拍拍拖不久便地宣布婚訊，張慧儀曾說：「公布咗之後，好快發現對方唔係一個適合我嘅人，因為婚禮上幾乎所有嘢都係贊助，我一時間唔知點向贊助商解釋，於是咪以疫情為由將婚禮延後，再同霍紹裘傾分手，點知由討論變辯論，繼而動武。」
相關閱讀：張慧儀激動回應鄧某 傳曾劈腿六富豪搞大肚：好好玩咩 遭盧慶輝狠撇打擊大
