前《中年好聲音》評審黑雨下發爛渣玩公審炮轟診所 結局神逆轉被指「聰明」
發佈時間：17:00 2025-08-14 HKT
楊柳／天文台／HKO／黑雨／返工丨受楊柳的外圍雨帶影響，天文台在今早（14日）上午7時50分改發黑雨信號，本港多區有大暴雨及水浸，中西區出現特大暴雨一度錄得超過140毫米雨量，葵青及屯門區錄100毫米雨量，剛好時間又是打工仔上班時間，結果打工仔又湧到天文台社交平台再次狂轟。
伍仲衡FB為太太發文炮轟診所
曾任《中年好聲音3》系列的著名音樂人伍仲衡，今年年初傳疑因截糊與洪心怡簽約而遭TVB「炒魷」，但伍仲衡依然不愁寂寞，索性北上發展。繼續「寸嘴」的伍仲衡，今早FB為太太發文炮轟診所，結果網民的留言出現神逆轉。
相關閱讀：伍仲衡51歲生日同網民開拖！公開容貌轟醜樣後彈弓手刪Po 因一句說話火遮眼
伍仲衡炮轟診所安排失當
天文台今早11時10分宣布將黑色轉為紅雨， 不少打工仔匆匆趕出門返工，他們紛紛湧入天文台FB留言鬧爆！伍仲衡亦有加入鬧爆行列，但他炮轟的對象並非天文台，而是診所。他在FB留言：「伍太約咗今日11:45am覆診，由於黑雨，今朝打電話去診所問吓開唔開，但係打咗5次都冇人聽，WhatsApp問又冇回覆…….由於約好咗，我哋就照去，滂沱大雨揸車由屯門出尖沙咀，結果去到診所……..冇開！而家喺附近食緊午餐，診所都仲未有回覆。」
伍仲衡留言惹來網民們熱議
伍仲衡的留言惹來網民們熱議，有人說：「冇人聽緊係冇人返工啦 !你咁聰明嘅！」、「因為whatsapp 嗰個電話都係診所嘅，所以姑娘都要返工先可以睇到電話，因此回覆唔到！」、「伍大師太耐冇打工，落咗黑雨兩個鐘內員工才返工。」、「黑雨就留係安全地方嘛。」、「有返開office的人才會明白惡劣天氣下的安排。自由工作者可能唔明未定。」、「覆診啫，唔使咁緊張，有緊急嘅就去急症室啦。」、「黑雨唔返工好正常喎，冇返工又點聯絡病人呢，唔通日日帶埋成個電腦返屋企，黑雨係人都知唔會開㗎啦。」當然亦有人說：「咁我約咗洗牙的牙醫診所又幾好喎！有用whatsApp通知我診所冇開，叫我唔好去。」、「我今日約1115覆診，姑娘0938打來通知改時間。」
相關閱讀：51歲伍仲衡被TVB「炒魷」後有新動向 靠一貼身物激發鬥志：成身都燃起咗
