80年代「臭口至尊」驚爆健康出問題！身形消瘦受周身麻痺兼痛困擾 自嘲年老：就去林正英嗰度
發佈時間：09:00 2025-08-14 HKT
80年代拍過《殭屍系列》和《霸王花》系列而走紅的樓南光近年北上發展，其後他曾自爆因「口臭」而愧對前妻、娛樂圈朋友：「有人話我到而家眼耳口鼻都齊，真係執到。」近期甚少更新抖音的樓南光，早前曾現身香港，原來此行並非主要與朋友們見面，是因為健康出現問題而回港靜養。
樓南光早前在抖音留言解釋健康出現問題而甚少更新，不過未有透露身體那一方面出現毛病，但近照上看到身形比之前消瘦了不少，有網民留言希望他身體健康：「身體健康最重要，還希望你能帶来更好的電影。」、「歲數大了就是身體容易出問題，保持健康最重要。」
相關閱讀：80年代金牌綠葉眾叛親離？玩粗口諧音花名辣㷫前輩 一線巨星好友全疏遠 曾被年輕女友影裸照
樓南光發現近期出現麻痺情況
樓南光雖然今次未有透露詳情，但原來他早前接受資深製作人楊紹鴻訪問時，曾稱發現近期出現麻痺情況，於是決定回港檢查：「我睇咗兩次醫生，佢話我頸椎有事同椎間盤突出，照完X光之後，發現頸椎原來係直而唔係彎，變咗壓實啲血管，所以會血壓高同頭暈，仲會周身痺同痛。」樓南光坦言最憎年老：「70歲原來係好老，我又唔保養，軀殼殘咗應該收檔，而家坐埋一齊就講食乜藥係最好，邊隻藥可以利尿同減壓。」楊紹鴻笑稱與樓南光重新出發，樓南光笑說：「你真係騙子，我而家重新出發就去正英（林正英）嗰度。」
樓南光口抹遮難而得罪太多人
入行半世紀的樓南光在1985年憑電影《殭屍先生》隊長「阿威」入圍第5屆《香港電影金像獎》最佳新演員及最佳男配角，雖然當時發展順利，可惜因為平時說話口抹遮難而得罪太多人：「我唔係得罪一次，得罪完講sorry，之後又兜來兜去得罪返，人哋都悶同攰，開始唔啋你，埋唔到堆好多嘢就冇嘢發生，其實係我做錯多過人哋做錯，你點可能對住呢個癲佬好好咁生活？我最起碼應該係冇咗條脷，把口真係太臭。」直到疫情期間因避隔離而在內地居住，才令他有所頓悟：「嗰陣識得沉澱、去思考、去自省一下， 原來包括我自己的家庭狀態，原來任何女人喺我身邊都係悽涼，先睇到自己真真正正係PK，嗰啲對生活、對人生、對人際、對朋友關，原來都係好疏離。」樓南光爆胡楓都曾被親戚問：「點解要收個『臭口棗』樓南光做契仔」。
相關閱讀：80年代林正英「御用殭屍」撞樣謝賢？大受內地粉絲歡迎 珍藏36年假牙都有人搶
