55歲前TVB男星罕談被逼舉家移民 花五年時間適應大數優缺點：我不嬲都唔想移民
更新時間：21:57 2025-08-10 HKT
發佈時間：21:57 2025-08-10 HKT
發佈時間：21:57 2025-08-10 HKT
字體大小
土生土長的印裔香港人喬寶寶，於2005年參加節目《殘酷一丁》，一夜成名，喬寶寶在娛樂圈發展七年，2012年突然宣布舉家移民蘇格蘭，只間中返港吸金。喬寶寶近日接受網上頻道訪問，坦言自己不想移民。
喬寶寶三代同堂
55歲的喬寶寶已過半退休生活，大仔「印度豹」Inderpal婚後火速造人，兩年抱兩誕下一對仔女，喬寶寶已榮升爺爺。喬寶寶近年在蘇格蘭開印度餐廳，經營飲食生意。對於移民蘇格蘭十多年，喬寶寶表示：「呢度環境清靜啲，啲人都幾友善，對比起英格蘭嗰啲（人），冇蘇格蘭咁Nice，啲屋大啲平啲。」
相關閱讀：獨家丨54歲喬寶寶呻有心冇力：你估我係李龍基咩 經常唔黐家喬嫂嫂唔擔心偷食
喬寶寶呻難搵工作
喬寶寶坦言在當地搵工，沒有倫敦、曼徹斯特、愛丁堡多選擇，工作集中以勞動性種類較多，而住屋租金平大城市接近一半，地方又較大，治安、醫療都不錯。喬寶寶坦承蘇格蘭的英語口音，花了五年時間適應，最初送兒子去讀書，自覺英文有所退步。
喬寶寶兩子外地升學
喬寶寶當年因太太申請香港護照被拒，又為兩子升學問題，以及細仔需要接受治療，決定舉家移居蘇格蘭。如果可以重新選擇，喬寶寶直言不想移民：「我不嬲都唔想移民，我移民係因為個細仔，我個心喺香港，自己土生土長，有時做人唔可以咁自私，唔可以淨係為咗自己，要為屋企人。」
喬寶寶細仔行動不便
喬寶寶的細仔Arvin於1歲時，發現患有先天性脊椎神經線疾病：「我細仔行動不便，香港比較逼夾，每日行幾步路就身水身汗。呢度環境大平靚正。」喬寶寶認為長遠而言，到蘇格蘭生活較適合兒子：「如果咁細個阿爸阿媽唔喺身邊，唔係咁好。」
相關閱讀：獨家丨54歲喬寶寶呻有心冇力：你估我係李龍基咩 經常唔黐家喬嫂嫂唔擔心偷食
