羅家英講遺產為妻留物業及XX：我估會走先過佢 已買墓地欲與汪明荃合葬 遺憾沒子女
發佈時間：09:00 2025-08-09 HKT
羅家英早前自揭第四度患癌，近日接受不少訪問談及病情與對生死的看法。羅家英作客查小欣網上節目《紅查館》，罕有公開身後事，更透露如何安排遺產。羅家英對於生死雖然看得豁達，但說到可能比老婆汪明荃先走一步，神情閃過一秒悲傷。
羅家英為妻留物業及保險
羅家英自得知再度患癌，已為身後事做好準備，他表示多買了兩份保險，受益人是老婆汪明荃。他說：「投資保險，基金嚟，寫咗佢名。仲有我哋排戲嘅地方，樓上12樓，我都買咗。我就話『有咩事，呢層樓係你嘅』。佢知㗎，我講咗畀佢聽喇！」不過羅家英大爆汪明荃的反應竟是「全無反應」，他說：「全無表示，飽讀聖賢之書，哈哈！」至於身後事，他表示：「我腦入面有（計劃），啲嘢畀邊個、邊個……搞掂。」他透露打算土葬，因此已買了墓地，「買埋阿姐，兩幅，買咗十幾年喇！」表示計劃與妻合葬。
相關閱讀：羅家英揭夫妻多拗撬自爆想娶後生女 批汪明荃一方面退步 公開19次求婚真相：我唔應承
羅家英沒有子女感少許遺憾
羅家英希望餘下日子可多去旅行享受生活，他說：「我根本冇遺憾，我樣樣嘢都想做，樣樣嘢都做唔到，不如唔好做。做到就做，做唔到就算數，唔好迫自己。」但當查小欣追問，沒有後代會否令他有遺憾，羅家英表示：「少少，但有好有唔好，冇細路就冇後顧之憂。最多就係我一生做大戲嘅功力，我冇一個後人承繼，徒弟有，但冇血緣。」
相關閱讀：羅家英四度患癌首爆性慾全失逾4年因切走一部位 花光積蓄治病「汪明荃冇幫過手」：佢冇講過要幫
羅家英希望老婆先離去
羅家英直言估計自己會比老婆早死，「有同佢講呢樣嘢，我估計會走先過佢，佢身體唔錯……我想遲過佢走，我可以照顧佢，但佢放心，我唔會要佢啲錢，講明喇！」查小欣好奇羅家英與汪明荃之間似乎不時提及金錢，他認為：「唔好唔講，講清楚就冇芥蒂。佢需要我計，佢需要我清楚，女人睇錢好重要，呢啲錢係佢自己辛辛苦苦做嘢賺返嚟，唔會亂花，亦唔會擺錢喺我身上，最多買件衫我着吓，大家食飯都要AA制。」
相關閱讀：羅家英宣布四度患癌後首回應身體狀況 需打女性荷爾蒙兼一世打糖尿針：貧血唔多夠氣
羅家英自覺結婚似入贅
羅家英表示平常也有請老婆吃飯，至於現時住的地方其實是老婆名下，查小欣笑問他需不需要交租，他表示：「家用每個月都有畀啲錢，交半個床位租啦！我同佢講過，你同我結婚，不如跟我生活去做啦，我照顧你啦！但而家唔係，我而家係入贅畀你喎！我去你屋企住，你要你咁嘅生活、咁嘅包裝，我冇能力㗎喎！亦都話唔想，你唔好迫我，唔使旨意我負責（傭人工資），總之畀咗家用你就自己分配，五位數字，冇六位數。」羅家英表示他每月都會過數給汪明荃的助手。羅家英表示，平常在家愛躺平休息，但汪明荃喜歡做家務，二人不曾大吵架，不過原來他有「避難處」，指自己在廣播道買了物業，「隨時鬧交我就去住喇，不過其實好少鬧交。」
相關閱讀：羅家英第4度患癌已放棄治療 最新近照曝光身體一部位現變化 輕搭汪明荃肩膀留影
