罗家英讲遗产为妻留物业及XX：我估会走先过佢 已买墓地欲与汪明荃合葬 遗憾没子女
发布时间：09:00 2025-08-09 HKT
罗家英早前自揭第四度患癌，近日接受不少访问谈及病情与对生死的看法。罗家英作客查小欣网上节目《红查馆》，罕有公开身后事，更透露如何安排遗产。罗家英对于生死虽然看得豁达，但说到可能比老婆汪明荃先走一步，神情闪过一秒悲伤。
罗家英为妻留物业及保险
罗家英自得知再度患癌，已为身后事做好准备，他表示多买了两份保险，受益人是老婆汪明荃。他说：「投资保险，基金嚟，写咗佢名。仲有我哋排戏嘅地方，楼上12楼，我都买咗。我就话『有咩事，呢层楼系你嘅』。佢知㗎，我讲咗畀佢听喇！」不过罗家英大爆汪明荃的反应竟是「全无反应」，他说：「全无表示，饱读圣贤之书，哈哈！」至于身后事，他表示：「我脑入面有（计划），啲嘢畀边个、边个……搞掂。」他透露打算土葬，因此已买了墓地，「买埋阿姐，两幅，买咗十几年喇！」表示计划与妻合葬。
相关阅读：罗家英揭夫妻多拗撬自爆想娶后生女 批汪明荃一方面退步 公开19次求婚真相：我唔应承
罗家英没有子女感少许遗憾
罗家英希望余下日子可多去旅行享受生活，他说：「我根本冇遗憾，我样样嘢都想做，样样嘢都做唔到，不如唔好做。做到就做，做唔到就算数，唔好迫自己。」但当查小欣追问，没有后代会否令他有遗憾，罗家英表示：「少少，但有好有唔好，冇细路就冇后顾之忧。最多就系我一生做大戏嘅功力，我冇一个后人承继，徒弟有，但冇血缘。」
相关阅读：罗家英四度患癌首爆性欲全失逾4年因切走一部位 花光积蓄治病「汪明荃冇帮过手」：佢冇讲过要帮
罗家英希望老婆先离去
罗家英直言估计自己会比老婆早死，「有同佢讲呢样嘢，我估计会走先过佢，佢身体唔错……我想迟过佢走，我可以照顾佢，但佢放心，我唔会要佢啲钱，讲明喇！」查小欣好奇罗家英与汪明荃之间似乎不时提及金钱，他认为：「唔好唔讲，讲清楚就冇芥蒂。佢需要我计，佢需要我清楚，女人睇钱好重要，呢啲钱系佢自己辛辛苦苦做嘢赚返嚟，唔会乱花，亦唔会摆钱喺我身上，最多买件衫我着吓，大家食饭都要AA制。」
相关阅读：罗家英宣布四度患癌后首回应身体状况 需打女性荷尔蒙兼一世打糖尿针：贫血唔多够气
罗家英自觉结婚似入赘
罗家英表示平常也有请老婆吃饭，至于现时住的地方其实是老婆名下，查小欣笑问他需不需要交租，他表示：「家用每个月都有畀啲钱，交半个床位租啦！我同佢讲过，你同我结婚，不如跟我生活去做啦，我照顾你啦！但而家唔系，我而家系入赘畀你㖞！我去你屋企住，你要你咁嘅生活、咁嘅包装，我冇能力㗎㖞！亦都话唔想，你唔好迫我，唔使旨意我负责（佣人工资），总之畀咗家用你就自己分配，五位数字，冇六位数。」罗家英表示他每月都会过数给汪明荃的助手。罗家英表示，平常在家爱躺平休息，但汪明荃喜欢做家务，二人不曾大吵架，不过原来他有「避难处」，指自己在广播道买了物业，「随时闹交我就去住喇，不过其实好少闹交。」
相关阅读：罗家英第4度患癌已放弃治疗 最新近照曝光身体一部位现变化 轻搭汪明荃肩膀留影
