柯煒林自封「抗癌小癈青」有心理準備接受有可能輸 張達明心痛Will Or患肺腺癌四期：佢只有33歲
發佈時間：20:30 2025-08-01 HKT
現年33歲、曾經在2021年憑《濁水漂流》先後在金像獎及金馬獎獲提名「最佳男配角」的柯煒林（Will Or）在上月30日驚爆患肺腺癌四期，目前柯煒林停工並開始服食鏢靶藥，樂觀抗癌的柯煒林坦言：「放心，無事嘅。我打慣逆境波。」
柯煒林昨晚（31日）首度於IG開直播，堅持「如常生活、生活如常」的柯煒林，在鏡頭前未見愁容，全程以幽默本色談及抗癌路，：「如果要出歌，首歌會叫《絕不擴散》」柯煒林揚言要做「抗癌小廢青」，叫大家不要稱他「小鬥士」或「勇士」，直播一度有3千多人收看時，柯煒林忍不住表示：「3000幾人睇我講抗癌，X你老味，我慣咗之前得幾10人睇。」
相關閱讀：33歲柯煒林確診肺腺癌第四期 宣布暫時停工：開始食鏢靶藥
柯煒林希望外界別稱他「小鬥士」
目前專心治病的柯煒林昨晚在IG直播，為了緩和沉重氣氛，柯煒林貫徹昔日搞笑本色，大講地獄笑話：「如果要出歌，首歌會叫《絕不擴散》」，柯煒林又指希望外界別稱他「小鬥士」或「勇士」：「 唔要呀！No呀！嗰啲咩勇士，好似247要奮鬥咁，我要攤喺度，做抗癌小廢青，哈哈！」他甚至公開徵求「型爆封號」，見心水選擇，柯煒林興奮地讀出：「『抗癌chill guy』，幾好喎！『癌柱』，哈哈哈！仲有呢個都好喎，叫『廢之呼吸』」他更指著自己的酒窩戲稱為「CD」，即「Cancer Dimple（癌症酒窩）」不過歡笑背後，柯煒林當話題觸及家人時，一度眼眶泛紅，他坦言自從患病，弟妹們反而像哥哥姐姐一樣反過來照顧他，讓他非常感觸地：「我會努力去打贏佢，但喺打仗或共存前，我要接受有可能輸，因為接受可能輸嘅時候，就冇嘢再驚，剩下嘅就係好好向前行。」＇
柯煒林目前仍有能力應付治療費用
柯煒林直播間偶爾咳幾聲，不過他說︰「咳冇之前咁犀利，唔使擔心我，行得走得，只係呢part（指胸肺部）問題，希望蜜月期唔好咁快過。唔知未來係點，希望keep住呢個態度面對身體變化，今晚多謝你哋，好開心。唔使太擔心我，過去呢15年醫治癌症方法好多，我仍以onx仔態度面對。」柯煒林還說：「感恩係醫生話我呢個case情況，係可以食藥控制，唔需要做標靶藥以外嘅治療，所以仲可以如常生活。聽到呢度時候，覺得自己好bless。」柯煒林又稱目前仍有能力應付治療費用，雖然未來充滿未知，但會努力保持正面態度面對，還感受到滿滿的愛：「I feel love原因，係好多人錫我，想畀最好嘅嘢，介紹最好醫生畀我，家庭好support，父母、妹夫、妹妹、細佬都好好，我喺被愛環境下感受呢件事。Meko（經理人）又幫我打點晒一切。」最後柯煒林多謝大家在街上碰到時，真的給他送上︰「USH ！我愛你！」
相關閱讀：柯煒林患肺腺癌｜Will出道9年憑《濁水漂流》提名金像金馬雙料男配角 退學追演員夢封影壇新星
張達明得悉只有33歲柯煒林患癌很心疼
另一方面，張達明今日（1日）出席「香港水下表演藝術劇場」開幕活動，談及柯煒林日前公開確診患癌，張達明說：「我知道他，他只有33歲，很心疼，他又不食煙，不過知他有很多粉絲支持，大家都很支持他。（有無養生貼士給他？）不要夜瞓，10點前要瞓，食得健康些，得閒就出去吸吓新鮮空氣，但不要夜跑。」早年確診鼻咽癌的張達明雖已抗癌成功，但身形一直消瘦，講到身體情況，他表示今日好一些，如天氣不好就一時時，好似之前黑雨時就差一些，他指最重要是強心，心態好就身體好，平時食好些也要飲多些好水，間中又會和周潤發等人一起跑步，不過他自己就是行路，不能像他們跑得快又衝得快，自言是跟他們食早餐。
