真相猜‧情‧尋丨「八仙嶺山火之謎」首尾呼應「真相嘅意義」方東昇團隊被譽神結尾：為事件真相作出總結
發佈時間：17:00 2025-08-01 HKT
一連8集、由方東昇、黃曉瑩及李嘉嘉主持的TVB新聞資訊節目《真相猜‧情‧尋》昨晚（31日）播映完畢，最後一個探討個案「八仙嶺山火之謎」再度成為網民熱話。製作組找來其中一名死者家屬A女士，對於有指因有同學食煙導致嚴重山火，A女士坦言：「你哋估咋嘛，都冇一個人證明到係同學仔食煙，我寧願相信係冇一個人食煙。』她更寄語涉事者：「唔好再食煙，唔好再玩火，唔好再做錯喇。」A女士的一番說話，令網民心噏又無奈。
方東昇「最後一quote是神結尾
在節目尾聲，方東昇以「真相嘅意義」及「真相畀你搵到又點呢？」首尾呼應的方式，為節目畫上完美句號：「對成個社會嚟講，真相嘅意義除咗出一口氣，求個明白、討個公道，仲有咩呢？如果我哋搵到答案，但冇汲取教 訓，歷史遲早重演，悲劇只會再臨，到時或者真正應驗咗一句話，真相畀你搵到又點呢？」有網民大讚方東昇「最後嘅quote真係一流」，認為是「神結尾」。
相關閱讀：真相猜‧情‧尋丨關鍵人物張潤衡臨陣拒受訪 「藍白間條衫」真實身份曝光 退休警司靳敦賢仍未忘記遺體模樣
「八仙嶺山火之謎」有不少令人反思的地方
在昨晚播出的「八仙嶺山火之謎」有不少令人反思的地方，採訪隊在山火29周年紀念日當天，和山火跨部門調查小組主席郭晶強重返八仙嶺，並在現場找到超過二十個煙頭！做過消防處處長的郭晶強慨歎：「人係好善忘嘅，點解每次火警都係重複又重複、起因都係因為咁呢？所以係要不斷、不斷、不斷提醒佢哋會有咁樣嘅情況出現。」旁白更道出：「呢啲新嘅煙頭證明咗， 原來呢三十年，後人一直冇汲取教訓，更可能為下一場山火埋下禍根。」
綜合各方說話稱「事發前看到有人圍着食煙」
綜合各方的說話，大家都不約而同地稱「事發前看到有人圍着食煙」，與張潤衡慌忙逃生的李雋文，事後受訪亦曾稱看到有人食煙情景，甚至當年負責調查山火的大埔警區指揮官靳敦賢，在節目上亦稱警方曾懷疑山上有其他人點煙，但出事山坡一帶只有馮堯敬師生：「不過呢班學生唔承認，佢哋要有實質證據先可以指控，不過無論係點，嗰班學生正承受後果，佢哋知道自己做緊乜嘢事。」負責調查山火的跨部門小組主席郭晶強及大埔警區指揮官靳敦賢都認為，人為引致山火可能性很高，但任何指控都要講真憑實據，不能單憑臆測，兩人都覺得最重要是從事件中汲取教訓，避免慘劇再發生。 或者正如死者家屬A所言：「想知道點解，但係呢唔會追究，個個都唔會認架啦。」
相關閱讀：真相猜·情·尋｜96年八仙嶺山火死難者媽媽受訪惹哭全網：放低大家都開心 憶丈夫風雨不改每天重回女兒身亡地
方東昇最後旁白網民大讚並稱心照不宣
「八仙嶺山火之謎」在網上再度成為熱話，有人說：「根本就知道真相。個媽媽好堅強，選擇放低，真心大愛，希望大家都反省呢一件事。方東昇最後旁白，心照不宣。」、「再次感謝，方東昇團隊，製作咁高質素嘅節目，咁快就最後一集，真係有啲失落嘅感覺…… 睇到最後，真係好慨嘆，好多人都冇汲取教訓，人類總係重複犯錯 願死者家屬，可以平安健康咁生活。」、「『真相，被你找到又如何？』真係好諷刺！」、「這個節目只有八集，但已經是最好看，尤其是方東昇最後這句，值得大家反思，真相仍然要等待解開。」、「方東昇最後嗰句說話為事件真相作出總結。」、「真相已經呼之欲出！東昇團隊好堅。」、「從旁白嘅寫稿，其實團隊應該從訪問者中已明確知道真相，但礙於話題敏感及影響嘅人太多，先唔會講出嚟，最後一句其實就係答案。」
