真相猜·情·尋｜96年八仙嶺山火死難者媽媽受訪惹哭全網：放低大家都開心憶丈夫風雨不改每天重回女兒身亡地

更新時間：13:19 2025-08-01 HKT
發佈時間：13:19 2025-08-01 HKT

《真相猜·情·尋》由方東昇、黃曉瑩及李嘉嘉主持的TVB新聞資訊節目《真相猜‧情‧尋》昨晚（31日）播出最後一集，內容有關於「八仙嶺山火之謎」。1996年的八仙嶺山火事件是香港史上最嚴重的山火之一，事發當日馮堯敬紀念中學一批學生到八仙嶺遠足，期間發生山火，五名師生遇難，十三人受傷，及後死因庭裁定死於意外。

真相猜·情·尋｜死難者家屬憶「男仔頭」女兒

《真相猜·情·尋》昨晚最後一集末段時，節目找來一位八仙嶺山火事件死傷者家屬、滿頭白髮的女士受訪。訪問片段中，這位滿頭白髮的母親，在鏡頭前拿出已故女兒的舊照片說：「佢成個男仔咁，好鍾意玩，好活躍好鍾意識朋友。」

這段訪問由方東昇的旁白配合受訪女士的講話內容組成，方東昇在訪問前段以旁白方式說：「依家本應43歲，喺媽媽眼中從未長大，仲係嗰個鍾意通山跑嘅男仔頭，當年知道可以上八仙嶺，即刻報名。」

真相猜·情·尋｜憶丈夫帶糖果餅乾上山看女兒

受訪女士憶述當年女兒出發前跟她說的話：「佢話去旅行，學校有老師睇住，去八仙嶺行山，佢話有先生帶住，OK啦咁。但我唔知道佢行條咁嘅路，咁危險。」事發後，她與她的丈夫一同走過八仙嶺山火事發地點，但她指自己只走過一次，直言「原來係咁危險，行過一次我冇再行」。不過，原來她的丈夫一度風雨不改上山，事發至今29年來仍不時重返八仙嶺馬騮崖底，女士說：「佢（丈夫）好錫個女嘅，久唔久都會上去睇吓佢，帶佢鍾意食嘅糖、餅乾，那時起初一個月一次，後來就一年一次。」

方東昇再以旁白方式說：「媽媽話爸爸曾經喺山上受傷迷路，成晚冇返屋企，八仙嶺對佢地一家仍然係陰影。」對於女兒身故、意外原因，她作為死傷者家屬，即使事隔29年，至今仍記憶猶新，她說：「開頭話死於意外，後來就話人為造成嘅意外，（死因庭）佢話咁細嘅細路，應該唔會俾佢哋行一條咁嘅路，開頭都唔接受，後來佢哋（學校）又要求庭外和解，咁我諗住，人都死咗，算啦。」

真相猜·情·尋｜山火由同學食煙引起？「想知道點解」

不過，對於多年來有指火災起因源於有同學在山上食煙，她表示：「好嬲囉，去旅行都食煙，有冇搞錯，之後...依過咗咁耐，都淡晒啦。」其後主持追問她：「嗰時會唔會都想追究佢哋？」她語速緩慢地說：「想知道點解，但都唔會追究，哈，個個都唔會認㗎啦，或者唔係佢哋，或者唔係呢，你哋估之嘛，估同學仔食煙，冇一個證明到係同學食煙，我寧願相信冇一個人食煙。」

她續說：「我放低啦，放低咪大家都開心啲啦，無謂咁執著啦，咁依家都成咗事實，你都唔可以改變，你唔原諒佢，咪自己唔開心囉，原諒咗佢自己個心舒服啲，我希望佢哋唔好再食煙，唔好再玩火啦，唔好再做錯啦，我..都掛住嘅，喺個心度。我發夢見到佢，佢叫我唔好掛住佢，自己開心啲過生活，佢喺上面都過得好開心，所以我就冇掛住。」