衛詩雅陪老公到米蘭交流當渡蜜月 自認唱歌無天份自己聽到都想嘔 劉俊謙為女友準備生日驚喜
更新時間：11:45 2025-07-12 HKT
發佈時間：11:45 2025-07-12 HKT
發佈時間：11:45 2025-07-12 HKT
字體大小
衛詩雅、劉俊謙、朱栢康及肥腸聲演的粵語版 《愉快動物餅大電影》，昨晚（11日）舉行首映禮。聲演小飛馬的衛詩雅，笑言睇劇本時要唱歌，本來好興奮又緊張，豈料到錄音現場被告知毋需唱歌。她說：「以前我唱過一首歌架！嗰時入錄音室聽到自己唱歌，真係嘔！好彩唔使唱，但好好玩。」當笑指她何不請教同公司歌手，她笑說：「有時呢啲天份無得學嘅！所以都擔心呢部動畫電影，咁多小朋友入場，搞到佢哋唔舒服點算！」
衛詩雅稱沒擔心公司情況
談到近況，衛詩雅表示兩個月後會參演新戲，而早前陪伴老公到米蘭作學術交流。她說：「我就當係渡蜜月，但老公話唔係！佢去咗學術交流，我咪喺酒店等佢，同自己周圍行下。我當渡蜜月，因為結婚後第一次旅行。」提到有傳英皇集團陷入財務危機，衛詩雅表示有睇過新聞，相信公司面對經濟周期問題，但完全無擔心過。
劉俊謙用安西教練聲線大嗌
而聲演獅兄的劉俊謙，表示雖則今次第二次參與聲演，但覺得有難度，初時也問及配音領班聲線要如何配合角色，但其實只要用返自己聲線便可，搞到也懷疑自己，因為擔心做得不好，又指聲演獅兄角色要拯救飛馬，所以跟《九龍城寨之圍城》不分上下，嗌到變聲沙。他說：「我嘗試用啲《男兒當入樽》嗰啲安西教練聲線大嗌，又幾好玩喎！」
劉俊謙為《城寨》系列作好準備
另外，提到7月23日是女友蔡思韵的32歲生日，問到可有驚喜給對方。劉俊謙笑說：「有驚喜嘅！」當提議要送動物餅給女友，他笑言當然要，但未夠。 他說：「講咗就唔驚喜！（放假陪女友？）盡量抽時間囉！」談到幾時開拍電影《九龍城寨》系列，劉俊謙表示還未知，但每人都作好準備。
最Hit
深圳廣州免費直通巴士！7月暑假限定 一程直達天河人氣商場 附預約教學
2025-07-15 19:15 HKT
$66嘆尖沙咀酒店自助餐！再臨閣快閃1折 任食西冷/Häagen-Dazs雪糕/即做甜品
2025-07-15 17:42 HKT
