黎澤恩「黑暗人格」嚇親大人細路揭MR.主音離隊內幕丨獨家

更新時間：08:00 2025-06-20 HKT
發佈時間：08:00 2025-06-20 HKT

TVB熱播劇《刑偵12》中，黎澤恩（Ronny）飾演張振朗的「第三人格」成為全城熱話！「深紅眼妝」加邪惡笑容嚇到唔少觀眾，他自爆連朋友都要跳集避睇：「有個friend話我殺人個樣太恐怖，要睇到大結局先敢睇返！」更有家長爆料，一見到Ronny出場就要即刻掩住個女雙眼，怕嚇親小朋友。採訪：方騫平場地：The Bathub

入行17年的黎澤恩，在TVB劇《刑偵12》中演張振朗副人格人氣急升，Ronny自爆為咗角色做足功課，深入研究「人格解離症」：「黑暗人格唔係癲佬，而係反映主角對自己嘅厭惡同憤怒。最難和張振朗要『神同步』演出，好彩佢畀我發揮空間！」

要求有感情線

演開反派的Ronny在《隱形戰隊》做賊王；《黑色月光》演黑社會，今次終於獲得阿媽認可：「以前成日彈我聲線，今次竟然讚『做得幾好』！」不過佢話唔想被定型：「我可以放低AK47自動步槍做暖男㗎！之前拍《好人好姐》叫老婆莊韻澄做『BB豬』，證明我有感情戲路。就算做江湖大佬，都可以有家庭線㗎！」

Ronny想放低自動步槍呈現暖男一面。

Ronny被網民形容新一代反派專業戶。

TVB劇《隱形戰隊》槍戰。

黎澤恩演的「賊王」獲網民大讚。

他表示打後對演戲投入度會多咗，只要享受就會有發揮，但冇寄望奪「最佳男配」：「老實講攞獎對我唔係一件新鮮事，以前做MR.樂隊都攞過好多獎，因為有冇獎包含有好多計算，就算攞唔到獎，但出面讚你一句，肯定性更大。」另外，講到樂隊MR.現況，主音布志綸（Alan）離隊，他豁達表示：「人數少咗件事唔完美，但MR.精神冇變。我哋試過傾重組，但焦點唔應該永遠喺一個人度，所以覺得呢種處理方法係對大家最好嘅。」

↓立即下載星島頭條App↓