羅天宇親回《東周刊》踢爆與「東張女神」陳懿德拍拖斷正︰組情侶檔搵銀

更新時間：13:15 2025-06-08 HKT
發佈時間：13:15 2025-06-08 HKT

去年4月陳懿德被《東周刊》獨家爆出與「女神收割機」羅天宇相戀。早前《東周刊》獨家直擊，羅天宇帶着陳懿德及未來外母到星級茶記歎美食，是「羅陳戀」首次拍拖被影到。

羅天宇與未來外母愛傾高爾夫球話題

昨晚（7日）羅天宇演出慈善節目《萬眾同心公益金》，對於跟陳懿德媽媽見面，他表示跟對方有很多共同話題，例如：高爾夫球、小動物等。當笑他獲得加分，他說：「冇！大家傾吓計，我同佢媽媽可能仲friend過同佢，德德好忙，嗰日佢低頭做功課，全程都係我同Auntie傾計。」問到跟陳懿德是否拍拖，他表示好朋友約吃飯，當笑指德德帶場媽媽同行，感情好Close。他說：「同佢都無乜傾，反而同Auntie多。（Auntie對你好滿意？）我覺得同Auntie Friend過佢。」羅天宇笑言客戶若找德德工作，也可考慮找他。問到是否不介意情侶檔工作？他說：「唔介意！」

↓立即下載星島頭條App↓