謝君豪任《光明大押》監製有難度 讚Edan表現有101分 睇中娟姐有喜感演喊戲最驚喜
發佈時間：12:15 2025-05-26 HKT
謝君豪兼任監製及主演Viu TV原創劇《光明大押》，請來MIRROR成員呂爵安（Edan）和練美娟演出，戲中開設當鋪的謝君豪，對父母早逝的這對姊弟練美娟和呂爵安（Edan）十分照料，猶如至親。有份擔任監製的謝君豪，笑言十分有難度，因為涉及很多工作，前期及期間工作差不多一年時間，加上籌劃方面要計數，但計數方面較弱，不過也要去學。他說：「呢個故事講述當鋪就要搵好多資料，好在有位專家做顧問，好多資料佢講畀我哋先知，又會去真正當鋪做資料搜集，當鋪係神秘地方，今次知一啲關於當鋪嘅趣聞。」文：鄺芷瑩、圖：朱偉彥
Edan稱豪哥是100分前輩
謝君豪坦言今次逾百位演員參與，度期都有難度，但大家都好幫忙，又指睇中Edan參演該劇，除了一齊合作電影《過時·過節》，亦覺得對方在喜劇形造出個人風格。在旁的Edan笑謂：「好大頂高帽呀！但拍攝《過時·過節》係我第一、二部戲，最緊張又驚，嗰時豪哥幫到好多手，個人真係好友善，完全無架子。今次呢部劇有好多不同演員，睇得出大家對豪哥好尊重，好多演員叫到幫手都即刻嚟，好似嚟聚舊。呢個係佢多年來專業同對待身邊人，佢係一個100分嘅前輩。今次佢兼任監製會提點演出，感覺好似上戲劇班，最正係唔使交學費。」
Edan見證娟姐演喊戲
戲中飾演投資銀行分析師的Edan，表示跟廖子妤有感情線，而另一溫情線跟練美娟演姊弟，雖然兩人四年前合作《大叔的愛》，但今次再次合作好有默契又開心。他說：「豪哥話見到我哋所謂嘅戲好有默契，佢窒下我、我窒下佢。」謝君豪笑言睇中練美娟有喜感，但最驚喜是對方演感情戲。他說：「其中有場戲佢同我哭訴心聲，我係無對白負責做聆聽者，佢七情上面、眼淚又好似開水喉，感情流露係令人好動容。」Edan即爆有場醫院戲，見證練美娟情感大爆發演喊戲，大讚對方是一位好有經歷及故事的人。練美娟笑言當時並非想起失戀事演喊戲，反而望住謝君豪好似慈祥爺爺一樣。
豪哥難忘跌落斜坡場面
談到難忘場面，謝君豪透露講述Edan和練美娟跌落斜坡去迎救他們，這場戲拍足幾晚，天氣不佳。他說：「佢哋兩個負責碌落去，但我都碌咗一下，不過有替身幫我碌！」作為監製的謝君豪，對於Edan和練美娟的表現，他笑言沒有感情分，覺得兩人有101分，因為做出自己要做更多，而且有驚喜。
Credits：
髮型: Man Chan @CHIC PRIVATE i Salon（呂爵安）
化妝: Deep Choi（呂爵安）
服裝: Polo Ralph Lauren（謝君豪）、 Fendi（呂爵安）
造形: PIPA Creative（呂爵安）
