陳苡臻改清新形象變玩味造型孖蔡承恩玩轉復古懷舊港式士多被對方即興rap對白頻NG

更新時間：16:45 2025-05-15 HKT
發佈時間：16:45 2025-05-15 HKT

新生代女演員Jessica（陳苡臻）早前剛剛參與人氣饒舌歌手Billy Choi（蔡承恩）《分手》MV後，二人獲運動鞋品牌邀請攜手合作，並由人氣新晉導演何圖執導，突破兩位既往形象，以極具視覺衝擊的手法，詮釋品牌標誌性的灰色美學。

Jessica甜辣造型驚艷全場

最近憑短片《破葉》首奪國際影展殊榮的Jessica，憑一頭短髮造型飾演無情老師獲得演技肯定。今次，Jessica於最新廣告短片中亦一改往日清新造型，化身不同角色穿梭故事場景，大膽嘗試多種玩味十足的時尚風格，其中最吸睛莫過於復古短上衣搭配高腰熱褲的甜辣look，大騷長腿，將Y2K風格演繹得淋漓盡致！Jessica興奮分享：「今次拍攝真係好過癮！可以喺一間港式懷舊士多嘅場景，我同Billy分別擔任扮演唔同嘅角色，carry幾款唔同嘅大膽造型再襯返品牌嘅經典及最新鞋款，我覺得好好玩，好新鮮！我哋現場睇playback都覺得好正，視覺上真係做到將經典同埋創新元素碰撞埋一齊嘅感覺！」

片場互動默契十足

故事指兩人穿梭於充滿復古懷舊氣息的港式士多，展開一場尋找傳奇鞋款的時尚探險。拍攝期間，無論是店員、情侶、夫妻的角色都默契十足，一個眼神就知道對方下一秒的動作如何。事後Jessica笑說：「同Billy合作已經好有默契，本來可以好快收工，但佢成日即興rap對白，搞到我成日忍唔住笑場要NG！」Billy則大讚：「Jessica演技真係冇得頂，每個眼神同動作都交足戲，同佢拍嘢好舒服！」

↓立即下載星島頭條App↓