郭柏妍喜跟視帝黎耀祥學戲 陳懿德最正確決定係參加港姐 倪樂琳梁嘉莹楊梓瑤卸任在即留在圈中發展
更新時間：21:45 2025-04-30 HKT
發佈時間：21:45 2025-04-30 HKT
發佈時間：21:45 2025-04-30 HKT
字體大小
古佩玲、陳懿德、郭柏妍及應屆港姐冠軍倪樂琳、亞軍梁嘉莹及季軍楊梓瑤今日（20日）出席《2025香港小姐競選》記者會，應屆港姐冠軍倪樂琳、亞軍梁嘉莹及季軍楊梓瑤對於可會提名朋友參選港姐，倪樂琳笑言身邊沒有潛力股，就讀大學時不太認識好多人，但呼籲師妹們有興趣可私訊她。
簽下TVB藝人合約
而梁嘉莹指胞姐經常被粉絲讚靚女可參選，姐姐對參選考慮中，但姐姐怕醜，加上工作繁重，而且覺得包包面，擔心上鏡不靚。她說：「如果有更加多嘅粉絲支持，我真係會逼佢出嚟，或者幫佢填報名表。」談到卸任在即，3位應屆港姐表示會在圈中發展，亦簽下TVB藝人合約。
稱黎耀祥是一位好老師
身穿低胸裙的古佩玲，笑言回憶返參加港姐的時刻，亦不介意在社交網上載當年參選港姐泳裝相，不過當時塊面比較Babyfat，但入行後被指變瘦，其實應該Babyfat問題。而最近跟視帝黎耀祥學戲劇的郭柏妍，表示很開心能夠跟對方學習，對方是一位好老師，並會教導演繹一場戲心態的轉變去吸引到觀眾，反而不要太著重鏡頭上問題。她說：「因為工作，我上唔足堂，5日就上到3日半。」她又指從不自覺好戲之人，亦睇到兩年前所演出《奪命提示》，所以睇到自己不足地方，但睇到社交網獲得網民願意花時間留言點評她，自己會用盡時間去改善。
強調羅天宇係好好朋友
陳懿德坦言參選港姐是難得機會，亦覺得自己做得最正確的決定是參加港姐。當笑她參加港姐入行而認識到緋聞男友羅天宇？她即說：「入行認識！但選港姐有唔同得著。」問到幾時給予名份羅天宇？她笑說：佢係好好朋友囉！」
