原來視咁的丨陳曉華真情流露揀男仔講心唔講金 姚子羚自爆常被催婚壓力爆煲
發佈時間：15:45 2025-02-10 HKT
無綫推出全新辯論形式綜藝節目《今晚乜都拗》，由森美擔任主持，邀請一眾牙尖嘴利兼富有邏輯思維的藝人，包括林盛斌、商天娥、蕭正楠、吳若希、陳敏之、陳曉華、麥玲玲、戴祖儀等組成「包拗團」，就每集的貼地「拗題」進行正反討論，之後再由40位來自不同界別的觀眾及專業人士組成「包拗谷友」，選出最終支持正反哪一方。
《今晚乜都拗》頭兩集嘉賓分別為姚子羚、胡蓓蔚、支嚳儀、孔德賢、梁競徽及王梓軒、陳敏之、糖妹、朱凱婷、鄭衍峰與曾展望，兩組藝人分別就「今時今日，男人定女人壓力大啲？」及「出嚟做嘢，唔畀家用算唔算唔孝順？」兩大議題進行激烈辯論，站在認同女人壓力較大一方的姚子羚，搞笑地以自身「慘痛」經歷做論據，相當爆笑，子羚七情上面地說：「未結婚有未結婚嘅壓力大，成日畀人問我幾時結婚？！幾大壓力呀！」子羚又指自己不斷被標籤「剩女」、「中女」甚至「大嬸」，說時還忍不住激動拍枱，真情流露。
鄭衍峰被孔德賢拋窒
第2集的「家用」主題，同為後生仔的孔德賢及鄭衍峰更一度進入對質狀態！認為唔畀家用唔算唔孝順的鄭衍峰，指由於做藝人使費大，故此頭5、6年入行時一直沒能給父母家用，孔德賢聞言拋出一句：「吓？100、200都畀唔到？」至於曾展望則成功憑一句說話突破盲腸，獲出名要求高的森美大哥瘋狂直豎姆指大讚，就連「包拗谷友」的言論亦相當精彩，有從事會計師的谷友認為，培養給父母家用習慣有助訓練子女理財，更有谷友大拋書包解釋何為真正的「廿四孝」，花生指數與資訊性兼備。
另無綫官方社交網亦播出了《今晚乜都拗》精華宣傳片，雖然只有短短兩分鐘，但已經妙語連珠，除了有連森美大哥都驚艷、由陳敏之說出口的「子宮唔等人」，還有陳曉華真情流露大談擇偶條件：「我唔開心，咁呢餐飯會留下一個好差嘅印象，就算嗰個男仔畀幾多錢我，我都唔鍾意佢！」蕭正楠則再度拋直球晒愛妻一面：「單獨同女性出街食飯？唔係佢唔畀，而係我唔想！」引來全場掌聲。
