Jeremy@MIRROR不在意「升呢」努力做好自己被指超越阿Jer：點會爬到佢頭

影視圈

更新時間：22:16 2024-11-12 HKT
發佈時間：22:16 2024-11-12 HKT

MIRROR成員李駿傑（Jeremy）今日（12日）出席雪糕活動，吸引近百Unicorns（粉絲暱稱）到場支持。Jeremy 指平常也會食雪糕，但就未試過俾女仔餵及餵女仔，指這些肉麻的事看電視劇就可以，更笑言可能因為這樣自己才沒有太多拍拖經驗，不過他認為情侶間最甜蜜的事情就是陪伴，以及每晚跟對方分享自己發生的平常事。

對於近日有報道指Jeremy在MIRROR排行中踢走上弦柳應廷（JER）升呢，他聽後即反問：「幾時？點解我唔知？點會？唔好玩我！但今年我好好彩好多演出機會，其實我同阿JER同其他兄弟都好，都有各自啱嘅活動去做，可能我相對比較多嘅感覺，（覺得多咗fans ？）都有，可能做多咗騷，同前輩有crossover，可能都有吸納前輩啲fans鍾意埋我，我堅信做得好係可以吸納多啲fans。」

對於有指他在見面會中與JER同場似乎頗尷尬，他就表示沒有，又透露兩人是用同一個化妝間，更一齊打機，只是見面會上因不是同組，所以比較少有交流，又謂排位這件事從出道已經開始講到現在已六年，自己也不會在意：「我好感恩大家比好多機會我，只不過咁多機會之下大家覺得我好似升咗呢，如果我要因為排位唔開心，我就唔會好似而家咁努力，排位只係外界嘅睇法，係咪咁care呢個排名，我又覺得唔係，因為呢個排名會影響自己，咁不如努力啲做好自己。（怕唔怕JER失落？）佢唔會啦，點會爬到佢頭？」

Jeremy唔覺得執三攤

另外，Jeremy早前到日本演出，有指他是執Anson Lo及JER的三攤，他指沒聽過，自己收到消息就已經是去日本做演出，無論自己排第幾也感恩有這次的機會，第一次去日本演出覺得自己不能夠有任何出錯，要做得最好：「做得好時，MIRROR都會一齊好，可以爭取多啲嘢俾MIRROR同俾我自己，咁係最好。」

↓立即下載星島頭條App↓