容祖兒自認對英皇樓盤情有獨鍾笑言曾在東半山留下不少回憶難忘在羅文家中學唱歌兼食飯

更新時間：20:15 2024-09-23 HKT
發佈時間：20:15 2024-09-23 HKT

英皇國際東半山全新豪宅項目 One Jardine’s Lookout自上周推出以來，項目累收超過 900 票，超額認購 17 倍，深受市場追捧。向來投資有道的祖兒今日約實集團副主席楊政龍 Alex 到項目展銷廳睇樓，更拿出支票簿作勢要立即簽票！

英皇集團主席楊受成博士亦有到現場跟祖兒一齊睇樓。

祖兒向來對東半山情有獨鍾，曾居住跑馬地差不多 25 年，笑言在當區留下了不少回憶。祖兒話：「我對呢區特別深感情，剛剛入行時經常到當時的英皇駿景酒店（現新盤地址）練歌，同英皇班兄弟姐妹、老闆仲有 Mani 成日唱Ｋ練習台風。我仲記得每一次頒奬禮返到屋企後可以食公仔麵，有如釋重負、卸下裝甲的感覺，令我覺得好安心。」祖兒特別提到那時候經常到羅文老師家中學唱歌，每逢大時大節都會一齊食飯，所以一直覺得跑馬地對她而言是一個好溫暖而又美麗的地方。「果時就諗如果有一日可以住喺呢度就好喇，我想要一個自己的家。」Alex 笑言，祖兒對樓盤觀感很好，如果祖兒真係有興趣投資，新盤會由「明升價」，同時變為名副其實的「明星價」。

Alex 笑言，祖兒對樓盤觀感很好，如果祖兒真係有興趣投資，新盤會由「明升價」，同時變為名副其實的「明星價」。

Joey 笑說自己不計前嫌
日前 Joey 曾表示想與阿 Sa 同 Kenny 開網上頻道拍短片搞笑時，自嘲遭老闆潑冷水，不會投資自己的演出。Joey 說自己不會「同老闆計較」，表示自己實事求是，不會因為老闆不投資自己演出而不買公司樓盤。因為見到樓盤鄰近醫療機構，相信單位一定會深受醫護人員歡迎。問到 Joey 最喜歡樓盤什麼，她笑言：「東半山地段在香港地位尊崇矜貴，加上樓盤被會所圍繞，名校林立。聽說租金回報可達 6%-7%，深具投資價值，所以我諗都會入票支持一下嘅！不過我媽咪先係財政大臣，我都要同媽咪商量一下先！」