容祖兒昨日（7日）到英皇娛樂期間限定概念店「0 e:ffect Concept Store」舉行簽名會。

容祖兒相隔7年現身簽名會千人逼爆銅鑼灣誓要抽到「成成」閃卡

更新時間：21:15 2024-09-08 HKT
發佈時間：21:15 2024-09-08 HKT

容祖兒昨日（7日）到英皇娛樂期間限定概念店「0 e:ffect Concept Store」舉行簽名會，為數百名粉絲逐一簽名、合照兼握手，過千名粉絲及途人在店外圍觀，迫爆時代廣場，場面好墟冚。相隔7年再次舉行簽名會，祖兒粉絲空群而出，不少人更一次過買兩張黑膠唱片，亦有一家大細及自不同地方的歌迷到場，場面熱鬧。期間祖兒同粉絲互動亦十分有趣，有粉絲表示：「我追咗你20年，我今年20歲！」祖兒即謂：「即係你一出世就鍾意我啦？」亦有粉絲影合照時大讚祖兒好靚，祖兒搞笑說：「你影相嘅時候都冇望我，點知我靚？」引全場大笑。

完成簽名會後，祖兒於店內四處遊走，除了跟自己拍攝四格相，又走到最近掀起熱潮的閃卡機抽閃卡，問到最想抽到誰？祖兒坦言：「梗係成哥啦！梗係成成啦。（英皇集團主席楊受成博士）」然後一邊抽一邊叫：「阿成！」最後抽出張敬軒，「得到阿軒呀。」然後再抽，「皇天不負有心人！我抽到成成啦！」全場歡呼聲不絕，有粉絲表示這張閃卡炒至2000元，祖兒聞言即說：「我割愛，俾你啦，你哋夾2000蚊俾我。」十分搞笑。離開店舖時，過千名粉絲及途人守候及圍觀，祖兒沿路不停揮手及多謝大家支持，亦叫大家小心路面不要撞到，認真貼心。

參加「市民對特區政府滿意度2025」問卷調查，答問題贏大獎：https://bit.ly/3Hrb6fO

↓立即下載星島頭條App↓

參加「市民對特區政府滿意度2025」問卷調查，答問題贏大獎：https://bit.ly/3Hrb6fO

↓立即下載星島頭條App↓