《紮職3》上映第3日接近100萬票房張繼聰望再拍續集做地盤佬紥鐵獲黃宗澤讚講嘢性感：聽佢傾計可開發新思維

影視圈

更新時間：14:45 2024-09-01 HKT
發佈時間：14:45 2024-09-01 HKT

黃宗澤（Bosco）與張繼聰昨日（31日）為主演的電影《紮職3》到旺角進行謝票，對於首日上映已收30萬，贏了上一集的首日票房，而上映第三日也接近100萬票房，兩人都感到非常振奮，又指今次推出$60票價，令觀眾受惠，證明真的有用。張繼聰表示之後會盡量繼續謝票，因為有得謝票很開心，觀眾的反應亦很好，又指這是一種動力：「尤其是拍呢啲動作場面都辛苦，但每次見到觀眾見到我哋嗰種喜悅，都係動力之一，有時返片場見到啲鏡頭都驚，都會諗起觀眾真金白銀睇，行出去嘅時候都要對得住人哋同自己。」

Bosco透露有觀眾讚張繼聰好戲，更指他的紋身及鬍鬚性感，張繼聰笑言他們很「俾面」，問他覺得自己那一方面最性感？他笑說：「我都唔奢求性唔性感，外貌方面都冇乜壓力，都係好放飛自我，因為從來都唔係偶像派。（你老婆有冇話你邊度最性感？）咁要問佢，我覺得係性格好性感。」Bosco則指張繼聰頭腦轉數以及表達能力也很性感：「好鍾意同佢傾偈，鍾意聽佢講嘢，因為聽佢講嘢可以開發新思維。」

曬黑露肌肉好Man
對於票房好是否有望開第4集，張繼聰指要看觀眾，票房好當然會開，Bosco指剛才也有問過他們想看什麽，有人提議回到校園和打羽毛球，而張繼聰則謂有網民提議紥鐵：「做職安真漢子，有高空動作場面，大家可以曬到好黑露到肌肉，成件事感覺好Man。」另外，早前Bosco因病缺席新劇宣傳活動，他指前一晚不舒服，半夜更發燒：「而家好敏感，費事害街坊，袁偉豪屋企又仔細老婆嫩，咪避一避，之後食咗醫生開嘅退燒藥已經好返。」

↓立即下載星島頭條App↓