李龍基澳門被捕獲網民亂噏約新女忟憎急澄清：嗰個係我個女唔係新女呀丨獨家

更新時間：01:42 2024-07-12 HKT
發佈時間：01:42 2024-07-12 HKT

上月19日，李龍基的36歲未婚妻王青霞（Chris）因虛假文書等五項罪名被判入獄25個月。基哥在法庭外變身喊包，心痛未婚妻被重罰，又強調會等未婚妻出獄後一定會結婚，到時隨Chris定居佛山。不過早前他自爆在未婚妻入獄期間，曾有陌生女子主動聯絡，聲稱可以做他的女友，惟李龍基表明無意聯絡對方，之後其接受網台節目訪問直認外界很多誘惑，要努力堅忍。而李龍基上周六在澳門舉行《女繼續追》演唱會，有網民在澳門見到他有年輕「新女」在側。照片中見到李龍基與一名女子相隔幾個身位行，而另一張相則見到李龍基與同一女子交談，對方更拎住兩杯飲品，似為李龍基而買。網民在小紅書貼出兩張照片並留言：「新女，其實忘記一個人好易」、「其實基哥已經係咪忘記咗青霞」眼見網民亂噏約新女，基哥即主動聯絡《星島頭條》記者急澄清，好介意被誤傳，他解釋：「相中人嘅係我大女嚟㗎！」

他大讚大女非常之孝順，知道他身邊冇咗Chris，是替他打點演唱會的一切，包括服裝等，他介意說：「咁講對我形象唔好，若果真嘅當然冇問題，但係食死貓就唔好，其實當日喺澳門，我曾對我個女講『唔知會唔會有人誤會我有件新女呢？』不幸言中，因為我知道成日有人偷拍我！」他強調：「𠵱家真係冇（女）敢接近我(咁咪修心養性囉！)我其實修咗好耐啦！哈...」咁獄中嘅Chris聽見就可以安心喇。

↓立即下載星島頭條App↓