獨家丨李芯駖拍完勾引男人戲上晒癮 岑珈其唔介意常做搞氣氛角色
更新時間：07:00 2023-12-27
發佈時間：07:00 2023-12-27
發佈時間：07:00 2023-12-27
字體大小
COLLAR成員李芯駖首度拍劇，在《法與情》中跟岑珈其飾演一對歡喜冤家，珈其大讚女方有天份完全唔似初哥。芯駖坦認破碎童年經歷，對演戲有一定幫助，未來亦想挑戰更多不同角色。採訪：杜杜 攝影：錢文坤
珈其投訴芯駖兩次粉絲應援他都不在場，芯駖即安撫他下次專登為他準備一份。
珈其投訴芯駖兩次粉絲應援他都不在場，芯駖即安撫他下次專登為他準備一份。
芯駖以新奇形容自己的第一次，「細細個已經睇珈其演戲，哈哈！𠵱家竟然做對手，感覺真係好新奇。」雖是新丁，但前輩珈其讚她有潛質，「佢一啲都唔似新人，好犀利，好畀心機準備得好好，去到現場同佢對戲，完全唔覺得佢好緊張，我形容係有天份，佢無論係講對白或者走位，都唔會生硬，冇乜嘢要提佢，唯一同佢傾都係分享啲做演員嘅心態。
兩人劇中是律師樓同事，經常鬥氣互窒。
兩人劇中是律師樓同事，經常鬥氣互窒。
破碎童年經歷助入戲
劇中芯駖有不少感情戲，對她絕對是大挑戰，「我有3場喊戲，其實要喊唔難，但要喊得適當又要講到對白，真係考功夫，同埋呢啲戲要動真情，拍喊戲前後自己都會唔開心，會勾起好多情緒。」早前她在節目《日本GAO芯假期》 曾喊住自爆有個破碎童年，她承認豐富人生經歷對演戲有幫助，「唔開心到乜嘢程度，都可以喺經歷抽出嚟，演員係好偉大嘅職業，因為好赤裸，成日要面對自己一啲唔想面對嘅嘢或者負面情緒，攞返出嚟做養份，但好玩，如果能夠做到個作品都好有意思。」
戲中兩人的對手戲較為輕鬆，對於經常被安排搞氣氛角色，珈其絕不介意，「作為演員，當然想有多啲唔同挑戰，咩都演吓，但係人哋鍾意睇我做喜劇都開心，大家會有呢個記憶點，只不過搞笑難度好高，成日驚做唔到個效果。」而芯駖就想嘗試更多類型角色，「暫時搵我都係做啲管理層或專業人士角色，其實小鳥依人或者誘惑性啲角色都得，我之前客串《出租大叔》（ViuTV新劇），有幕要着住睡衣勾引人，都幾好玩，因為同我人設係兩件事，有多啲唔同面向show到畀人睇。」
《星島頭條》新網站有更多精彩內容：http://www.stheadline.com/
