思家大戰丨炎明熹讚大姑丈唱歌好聽 擔心失飯碗：我以後唔使唱歌喇
更新時間：17:00 2023-07-14
發佈時間：17:00 2023-07-14
發佈時間：17:00 2023-07-14
字體大小
由李思捷主持的《思家大戰》第三季周日晚播出最新一集，將會有張振朗率領的「靈戲逼人」隊，成員包括龔嘉欣、劉穎鏇、江欣燕和阮嘉敏，對戰由Gigi炎明熹大姑丈率領的「Gi朋戚友」隊，成員有細表哥細Y、表姐兼炎明熹後援會會長JY、表哥大Y和細姑丈Arwick。
【相關閱讀】：18歲炎明熹首入馬場即贏錢！去台灣10日預5千蚊有錢剩 冇被異性撩感失望
【點擊睇炎明熹大姑丈】：
今集氣氛熱鬧，「靈戲逼人」隊一班女隊員抬住振朗出場，相當架勢。談及熱播劇《靈戲逼人》，振朗應思捷要求預告劇情並驚爆：「丁一駿（其角色名）同女鬼好好感情，之後嘅劇情有機會係人同隻鬼生BB！」在旁的嘉欣聽畢忍不住吓了一聲。
「Gi朋戚友」隊則獲炎明熹親臨現場支持打氣，戴着口罩的炎明熹大晒招牌火星話：「大家都加油，我無話可說！」思捷問到有冇貼士畀大姑丈，炎明熹再晒搞笑功說：「唔好咁緊張，今日你做Gigi。」之後大姑丈應思捷要求即場高歌，大姑丈獻唱炎明熹的《好想約你》，炎明熹聽後再放笑彈：「我以後都唔使唱歌喇，好勁呀！」
問答環節氣氛同樣熾熱，龔嘉欣上台搶答問題時、化身《靈戲逼人》的女鬼雲柳芳，更鬼馬地匿在思捷身後嚇他，大晒可愛萌爆面。「靈戲逼人」隊全晚表現Hyper，每答對一條問題均會又跳又叫，分貝爆錶，就連站在遠處的思捷亦坦言感到地面震動，認真誇張。
【其他文章】：
李克勤演唱會丨炎明熹挑戰成熟Look透視長腿 暴風成長高過「聲夢奶爸」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最Hit
