李克勤演唱會丨炎明熹挑戰成熟Look透視長腿暴風成長高過「聲夢奶爸」

更新時間：10:00 2023-05-20
發佈時間：10:00 2023-05-20

李克勤最近在紅館舉行「弦續李克勤．港樂演唱會」，今晚將會舉行尾場。曾為《聲夢傳奇》「奶爸」的李克勤昨晚（19日）尾二一場請來《聲夢傳奇》出身的炎明熹做嘉賓，兩人在台上合唱《合久必婚》，《聲夢傳奇》的學員亦有來睇騷。上月正式踏入18歲成為成人的炎明熹，昨晚自言以「成熟裝扮」出場，身材高䠷的她透視大晒長腿！

【點擊睇炎明熹透視長腿】：

身高不算高的李克勤在台上也笑說：「我記得我哋上年喺長沙做《聲生不息》吽咗幾個月，有機會食飯、傾偈，其實我見到Gigi（炎明熹）一日一日長大，長大到今日高咗咁多。」炎明熹則謙稱：「因為高踭鞋比較高。」李克勤還笑說：「你就住我吖！」炎明熹續言：「今日呢套裝束冇試過，好似有啲成熟。」台下觀眾即大叫：「好正啊！」炎明熹也立刻多謝觀眾說：「多謝，大家都幾好人。」

李克勤之後還模仿炎明熹語氣說：「佢啲短訊，講嘢，都係咁，『李生，你好啊，我有啲嘢，想問……』」此時炎明熹截停李克勤說：「你講起有啲嘢想問，我都有啲嘢想問你。你之前叫啲人唔好講多謝，但我都好想講，好多李生今日邀請我嚟表演，我見到星夢嘅朋友仔都喺度……」李克勤見炎明熹未問問題，反問她：「問得未啫？」炎明熹才說：「因為我有首歌要唱，但係我好耐冇見佢哋，想同佢哋玩吓得唔得？」原來炎明熹是想與星夢同學影相，炎明熹還說：「希望可以行過去，同佢哋唱歌。」李克勤之後還扶着身穿高踭鞋的炎明熹到《聲夢》同學的位置：「使唔使我扶你落去？我扶咗你去嗰個位先啦！」好有紳士風度。