放蛇警答「無病」 戴港盛照發免針紙
發佈時間：03:00 2026-07-11 HKT
76歲註冊男西醫戴港盛涉嫌於2022年6月至9月，向病人濫發過千張俗稱「免針紙」的新冠疫苗接種醫學豁免證明書，與另一名女商人同被控1項不誠實取用電腦罪，戴港盛另再被控洗黑錢等合共17項罪，2人否認控罪受審。3名「放蛇」警員昨於區域法院作供，其中1名女警求診時稱「驚打針」，戴港盛答「淨係驚唔夠㗎喎」，追問下再稱「咁心口痛啦」，另一女警更順利為沒有到場的兒子取得「免針紙」，戴港盛同日被捕。
控方傳召3名「放蛇」警員，時任西九龍重案組高級督察鄺應新交代，9月20日當日參與臥底行動，應診時戴港盛問「你做邊行？」，鄺答「文員」。戴港盛再問「乜嘢事睇醫生？」，鄺指「我想攞免針紙」。戴港盛再問「乜嘢事攞免針紙？」，鄺答「因為我驚打針」，戴港盛回應「驚打針唔得㗎」，鄺追問「咁乜嘢事先得？」。戴港盛指「例如心臟病、皮膚病、家族性遺傳病」，鄺答「我無病㗎，心臟病得？」戴港盛同意，並在病人表格上撰寫紀錄，再問「仲有無？」鄺答「無喇」，戴港盛隨即指「4000蚊」。
另一人為無到場兒子取得免針紙
其同袍女警11257 張文婷則供稱，當晚應診時戴港盛問「咩事？」 張答「我想唔打針」。戴港盛追問「點解唔打針？」張回應「無呀，唔想打，驚囉」。戴港盛指「淨係驚唔夠㗎喎」，張問「咁點先得？」戴港盛解釋「咁心口痛啦」，張回應「吓，咁就得㗎嗱？噉心口痛囉⋯⋯醫生，另外我仲有個仔，我想幫佢攞張針紙，得唔得？」戴港盛問「2個人呀？」其後低頭抄寫，然後稱「得，2個就8000啦，1個就4000，2個就8000」。張答「哦，好呀，咁畀現金呀？畀邊個？」戴港盛答「得，畀我得喇」。
2人即場繳付已標記的鈔票後離開，診症過程為時2至3分鐘，期間沒有任何檢查，隨後便從姑娘處取得「免針紙」。第3名「放蛇」警員張國光求診後馬上致電案件主管帶隊到場執法。
案件編號：DCCC1239/2023
