周莉莉：父親當初對我有誤會
發佈時間：03:00 2026-05-30 HKT
其士集團創辦人周亦卿2018年離世，2015年最後一份遺囑將名下1.89億股股份全數交予五女周蕙蕙繼承。長女周莉莉入稟控告五女周蕙蕙及六女周薇薇，要求法庭裁定2015年遺囑無效，以2009年遺囑作準。周亦卿2004年親筆筆記中曾提到他與周莉莉「水火不容」，周莉莉昨解釋指周亦卿「當初對我有誤會」。法官歐陽浩榮問周莉莉是否覺得即使私事、家事因官司而公諸於世，父親也會支持她提控，周莉莉回應「我無攞佢啲私人嘢（呈堂）」，五女及六女卻將父親私人物件呈堂。
原告為長女周莉莉（Lily），由資深大律師沙惜時代表；被告為五女周蕙蕙（Violet，藝人吳家樂之妻）及六女周薇薇（Vi Vi），由資深大律師余若海代表。余若海昨繼續盤問周莉莉，引述周亦卿2004年2月29日筆記中提到，「我們之間水火不容」，周莉莉歎謂2000年代「咁多年發生過好多事，唔想講返佢以前啲嘢⋯⋯但係呢，之後2009年有遺囑係有我個名嘅，as an executor（作為執行人）⋯⋯2011年升正我做母公司董事」。
指父精神狀態2015年中急劇惡化
周莉莉又解釋「2000年發生過啲事，公司有啲political嘅嘢發生，當時我係犧牲品來嘅⋯⋯」周莉莉補充指，父親「當初對我有誤會⋯⋯當時『水火不容』係佢感覺，但我無同佢水火不容」。
2015年11月周亦卿仍然擔任公司主席，余若海問到如周莉莉憂慮父親心智能力，會否向其他董事分享。周莉莉答「理論上唔會」，直至確實為止。余若海追問周莉莉如憂慮父親會如何處理，周莉莉稱「搵機會同佢傾吓偈」、「叫佢睇醫生」，但「成個2015年已經好多唔同嘅事發生，所以根本未做到嗰個地步」。余若海質疑從未發生上述情況，周莉莉指「有諗，但（周亦卿）每次表達唔耐煩」。周莉莉其後再指父親擔任公司主席時，有公司同事為父親準備好日常工作，而父親「未至到失智，失智根本唔會坐喺度」。
周莉莉在第2份證人供詞中提到，父親精神狀態於2015年中起急劇惡化，翌年1月5日早餐會臉色蒼白疲弱。余若海問到她何以見得，周莉莉解釋出於個人觀察及感覺，「事件一時記唔起」。
周莉莉否認對周蕙蕙帶有敵意，雖然由頭到尾都不相信2015年遺囑屬實，亦不相信2015年遺囑反映父親遺願，但堅稱「我唔係一個搞事嘅人」，若然周蕙蕙「肯攞返（股份）出來」、「擺到間公司落去個trust（信託）度，我無特別意見」。
堅稱「我唔係一個搞事嘅人」
被問到周亦卿會否不欲家人為了爭奪遺產而對簿公堂，周莉莉回應父親最不希望的是其士集團股份「落入一人之手」，繼而面臨倒閉或賣盤。歐陽官追問周莉莉，即使父親私事、家事皆因官司而公諸於世，被傳媒每日報道，是否仍覺得父親會支持她提控，周莉莉回應「我無攞佢啲私人嘢（呈堂）」，另對被告方將周亦卿私人物件呈堂感到氣憤。
案件編號：HCAP 22/2019
