「御用宮女」母親供稱遭姑仔罵「死八婆」恐嚇動粗
發佈時間：03:00 2026-03-07 HKT
2007年落選港姐、有TVB「御用宮女」之稱的42歲女藝員張韋怡（Gogo），6年前入稟高等法院控告姑仔潘碧玉（Jade）誹謗，姑仔則作出反申索。案件昨於高等法院進行第5日審訊，張韋怡母親曾秀英出庭作證。姑仔一方提出2019年潘家發生解僱家傭風波，潘父曾向張母說：「你哋做咩自把自為請工人。」張母則向潘父說：「你哋唔顧工人，又唔理工人。」潘父亦說：「叫你個女搬走！唔好喺度搞咁多事！我呢個咁幫得手嘅工人，佢（張韋怡）都要炒，走呀走呀走呀！」、「唔使講咁多嘢，你哋搬走。」張母在庭上回應指「無發生過」上述事件。
張韋怡母親曾秀英昨供稱，自己於1992年從內地來港，任職私人管家，月入約3萬元，並於2018年退休。張韋怡父親曾任職金融公司高管， 其後因病離職，現為長期病患者，患有心臟病、糖尿病、癌症。
2019年潘家發生解僱家傭風波，張母指張韋怡在北京大學進修EMBA課程期間，未與張韋怡註冊結婚的「丈夫」潘德鴻經常夜歸，張母到潘家照顧孫子時，發現姑仔潘碧玉阻止家傭為張母服務，亦目睹家傭在食物中吐口水後，給予潘德鴻兄長William的兒子食用。
張母指她向潘德鴻交代事件後，潘德鴻稱「見到我屋企啲嘢你唔好多事，我屋企係好多矛盾，你唔好出聲」。張母續指，「有工人吐口水落小朋友啲嘢食，咁邪惡，我耿耿於懷」，「我哋會反映畀潘老先生聽」，而當她離開時姑仔潘碧玉則對她指罵：「死八婆，唔好再嚟我屋企呀，見你一鑊打你一鑊呀。」
姑仔潘碧玉一方昨在庭上播放潘父私家看護的語音訊息，內容提及曾秀英到潘家與潘老先生理論。私家看護覆述事件：「張太落嚟，老闆話好嬲，話你個女（張韋怡）咁叻，叫佢炒晒啲工人啦，唔使講咁多嘢。你哋成日講啲嘢都咁誇張，你哋搬走！你叫阿鴻（張韋怡「丈夫」潘德鴻）搬走呀！佢唔夠地方住我畀錢佢買！」
潘碧玉一方指出，潘老先生曾經向張母說：「叫你個女搬走，唔好喺度搞咁多事，我呢個咁幫得手嘅工人，佢（張韋怡）都要炒！走呀走呀走呀！」張母回應指：「無發生過。」
否認潘父要求張韋怡搬走
張母另被指在2020年1月17日曾向潘父說：「我個女喺度住咗幾年咁耐，點解講句嘢都唔得呀！」潘父亦曾向張母說：「你哋成日講啲嘢都咁誇張，又話你個女受咁多委屈，佢有咩咁委屈啫？」
潘碧玉一方指，潘父曾經向張母說：「你哋做咩自把自為請工人。」張母則向潘父說：「你哋唔顧工人，又唔理工人。」潘父則向私家看護稱：「佢哋講就講得好聽，咩都為我，其實自己背後搞好多嘢。」張母全部否認，解釋指「我都唔知發生咩事，講真」。
案件編號：HCA 1500/2020
