御用宮女「丈夫」：胞妹雞蛋裏挑骨頭
發佈時間：03:00 2026-03-06 HKT
2007年落選港姐、有TVB「御用宮女」之稱的42歲女藝員張韋怡（Gogo），6年前入稟控告姑仔潘碧玉（Jade）誹謗，姑仔則作出反申索。案件昨於高院續審，張韋怡「丈夫」潘德鴻（Michael）作供稱，他2013年認識張韋怡前，潘家兄弟姊妹一直關係和諧，他們一家三口搬到潘家九龍塘8000呎7層獨立屋居住近一年後，家中便爭執頻生。他指妹妹潘碧玉經常「在雞蛋裏挑骨頭」，為人「太計較」，妻子張韋怡對「錢銀唔係太在乎」。潘父私家看護則曾向潘碧玉指：「千祈唔好俾話事權Gogo，其實這個人一啲都唔簡單……大家要小心啲」，亦表明「覺得Gogo以小人之心，度君子之腹」。
潘德鴻昨供稱，他在2013年認識張韋怡，他承認自己是「富二代」，但也須「選擇性返工」， 「一星期點都有一半時間返工」，惟「我可能返一個鐘就走得」。他在2013年每月獲家族公司固定派發股東分紅近6至7萬港元。潘承認他「鍾意飲酒」， 兒子出生前「夜生活唔少」，亦曾在酒後打張耳光，令張「耳膜穿咗三分一」，導致張半永久弱聽。他其後簽承諾書，「承諾以後唔會再打佢、唔會動手、唔會郁手郁腳」。
姑仔潘碧玉一方指張韋怡曾稱丈夫「未婚產子、不忠、多次家暴，全部都係事實」， 潘被問及是否有婚外情時則回答：「無啲咁嘅事」。
曾向妹借300萬 送Herm.ès答謝
張韋怡曾向潘碧玉傳訊息指「Michael太被動太蠢啦，佢搞唔掂依種情況，佢俾人睇穿晒，急躁同目光短淺，我要為（兒子）Ashton 打算」，「Michael沒有賺錢能力，所以佢唔可以放棄九龍塘那棟獨立屋啊」。對於張韋怡及其母親被指會找潘老先生「大叫大嗌」，潘德鴻指：「無啲咁嘅事，應該只係傾計，Gogo（張韋怡）咩都為爸爸設想」。
潘曾斥資1693萬元購入九龍大角咀私人高尚住宅屋苑「帝峰．皇殿」某單位，家族公司數個月後便「俾番一張票」，即由公司全數支付樓價。潘承認他買樓前曾向其妹妹潘碧玉無息借貸300萬元，他其後送妹妹Hermès Birkin手袋當答謝及利息，又稱「一個袋可以解決兩個問題」。
父親身家歸妹 兄弟沒異議
潘父在2022年12月離世，潘一方問潘家有沒有「爭身家」事件發生， 潘德鴻指潘家的不動產早已「安排好晒」，只有潘父私人戶口有近二千萬元現金，而潘父的戶口最終由妹妹潘碧玉處理，「成功俾佢（潘碧玉）𢱑到」近二千萬元現金。潘德鴻指他對此沒有不滿，兄弟也沒有異議，「錢佢（潘父）搵嘅，佢鍾意俾邊個就俾邊個」。他重申「我無欲無求嘅，要咁多錢做咩啊，兩啖粥水、食到嘢就得」。案件編號：HCA 1500/2020
