車婉婉吳若希處境劇接棒《愛．回家》舊班底呂慧儀林淑敏：一定追睇

更新時間：03:00 2026-06-12 HKT
發佈時間：03:00 2026-06-12 HKT

TVB長壽處境劇《愛．回家之開心速遞》將於7月迎來正式大結局，昨日TVB宣布全新處境劇《愛．回家之三代同糖》已落實在8月隆重登場，由三代唱得兼Talk得的女藝人車婉婉、吳若希、遊戲節目《唱錢》女新人李茵彤擔演，是關於女性覺醒、世代火花及AI衝擊的都市輕喜劇。
對於《三代同糖》接棒，《愛．回家》「大小姐」林淑敏昨回覆《星島頭條》表示：「期待呀！我平時都會追佢哋嘅show睇㗎，我覺得係好有新鮮感同埋出嚟一定有喜感。」談到與劇集多年主將劉丹、呂慧儀等無得留低演出新處境劇，林淑敏表示：「我唔會失望，最緊要係以娛樂觀眾嘅心態行先。我一定會繼續追8點鐘嗰套好好笑嘅處境劇！」呂慧儀亦對《星島頭條》表示覺得新題材有新鮮感，對製作組及編劇組有信心，更讚主演車婉婉、吳若希唱得又演得，李茵彤有新鮮感，「我都會好期待，亦都相信佢都會係一套陪大家食飯好好睇嘅下飯劇。我習慣咗8點睇住電視食飯，我都會成為佢哋嘅fans！」而車婉婉向《星島頭條》坦言心情既開心又感壓力，因突然落實感到措手不及，但不知有否《開心速遞》演員加入。此外，網民質疑車婉婉演吳若希媽媽，亦提議李家鼎、李泳豪父子加入劇組刺激收視。