阿佘回應欺凌傳聞：邊得閒啫！

更新時間：03:00 2026-06-06 HKT
發佈時間：03:00 2026-06-06 HKT

　　佘詩曼昨日出席「香港綠色日2026」活動，因聲帶發炎致聲沙，但仍堅持出席推動環保。近日重播阿佘主演的舊作《無名天使3D》，對於被傳當年在劇組與郭羨妮一同欺凌楊思琦，阿佘昨日澄清當時拍動作戲辛苦到連飯都不想食，只想沖涼，怎有空閒做其他事，並指是非未必是事實全部。
阿佘昨透露早前密集式與朋友慶生，吃太多蛋糕太甜，至於與ERROR梁業（肥仔）、何啟華等打牌輸了多達四位數，阿佘笑言肥仔贏最多錢，亦未有再約牌局：「本宮身體抱恙！同埋要再練習先！」肥仔曾得戚表示在佘媽媽心目中留下一席位，阿佘隨即表示：「（佘媽）藐佢！」
隨時準備好着泳衣
近日重播阿佘昔日主演劇集《無名天使3D》，阿佘直言記得當年拍打戲好辛苦：「臨開工前一個月受訓學打戲，有九成動作親身上陣，日日成身傷痕。」她好開心完成挑戰，若再拍高強度動作戲則要重新練習。至於有傳當年與郭羨妮在劇組一同欺凌楊思琦，阿佘坦言沒有留意消息，並澄清指：「大家要記對白、做動作，冇時間做其他嘢！邊得閒啫？放飯連飯都唔想食，只係想沖個涼！」並婉拒再作回應：「有人嘅地方就有是非，是非未必係事實嘅全部，唔想再講。」續指：「我哋各自都發展得好好，有自己成功之處。」對他日再與楊思琦合作則抱持開放態度：「題材啱嘅話OK！」
至於會否重現當年身穿泳衣的造型，一向保養凍齡外形的阿佘豪言：「我隨時準備好！」但坦言要視乎題材再決定。談到下半年工作計劃，阿佘透露只有零散拍攝工作，未有新劇，笑言想專心養病並非精挑劇本，坦言除非有超級鍾意的劇本，否則不想離開港太久，想多陪媽媽。