楊明莊思明 8月吉隆坡擺酒：即興決定
發佈時間：03:00 2026-06-06 HKT
拍拖10年的莊思明（Lisa）與楊明近年屢被催婚，4月曾曝光兩人抱愛犬拍攝的婚照，當時他們聲稱是拍攝「星級人寵時尚雜誌」，成功轉移視線。昨日《星島頭條》收到獨家消息，Lisa與楊明已訂婚期於8月2日，喜帖更率先曝光，婚禮地點在馬來西亞吉隆坡JW萬豪（JW Marriott）酒店。一對準新人昨日回覆《星島頭條》，坦言婚禮才剛開始籌備，是即興決定，前日才落實婚禮地點。
莊思明與楊明愛情長跑10年終於修成正果，準新娘莊思明昨日回覆《星島頭條》，多謝大家的祝福，坦言是兩人好即興的決定，「冇諗過咁快被『出賣』，呢排真係好忙，因為自己都拍緊兩套劇，阿楊亦拍緊劇，所以呢排都唔係好夠瞓！」Lisa也沒想到親戚朋友們比他們兩人更開心，「所以我哋都好感恩、好開心！再次多謝大家嘅祝福！」問到會否在香港再辦婚禮？Lisa則說：「呢個真係未諗，冇時間諗。」
準新郎楊明也向《星島頭條》透露婚禮地點於前日才落實，「好多謝好多朋友關心我哋啦！呢件係開心事嚟嘅，其實都係啱啱開始籌備，係前日先落實到地點，所以有啲嘢忙碌緊、安排緊，距離8月2日有啲時間，希望趕得切，因為好多嘢要處理，同埋唔係喺香港擺酒，喺吉隆坡擺，咁有啲嘢就聯絡多就複雜啲。依家忙緊安排啲嘢同《愛·回家之開心速遞》拍攝，但心情係好開心嘅，係好忙碌囉！」
姊妹關嘉敏開心到瞓唔着
至於Lisa的胞姊莊思敏亦回覆《星島頭條》，祝一對準新人永遠幸福、相親相愛，開心表示：「梗係恭喜佢哋啦！我哋較早前收到通知！知佢哋忙緊處理好多問題，我當然會盡量幫手，如果幫到嘅地方，希望佢哋永遠幸福快樂、相親相愛！」此外，Lisa的閨密關嘉敏昨日綵排《萬眾同心公益金》時，開心祝好姊妹連生貴子、三年抱兩，又坦言為對方開心到失眠，「佢叫我留日期俾佢，話會帶我去吉隆坡，我話好，我冇問咩事，然後佢同我講會結婚，我開心到成晚瞓唔着！」問到會否做姊妹團？關嘉敏笑指自己不可靠。
楊明與Lisa拍拖10年經歷人生起跌，楊明投資連鎖燉湯店在2019年社運及疫情打擊全線結業，Lisa陪男友面對生意難關；翌年楊明在半山因醉駕當場被捕，事業墮谷底，Lisa不但每次陪男友出庭，對方判監18日亦親自接他出獄；2023年Lisa的大馬拿督爸爸莊寶離世，楊明以準女婿身份在靈堂打點，陪女友度過傷痛。如今兩人的愛情開花結果，可喜可賀！
