小方未邀Stephy做嘉賓：過咗去啦
更新時間：03:00 2026-05-18 HKT
發佈時間：03:00 2026-05-18 HKT
發佈時間：03:00 2026-05-18 HKT
字體大小
方力申（小方）在紅館尾場演唱會舉行前突然腰傷，經治療後卻能順利完成演出。太太葉萱給予101分及大讚演唱會好睇，小方透露受太太啟發後，將對方的一番話轉化後在台上與大家分享，至於有關舊愛鄧麗欣當嘉賓問題，小方直指「已過去了」。
小方在紅館舉行一連兩場《Perfect Moment最佳時間演唱會2026》前晚圓滿落幕，小方前日早上突然腰傷即時去做物理治療，康復進度不錯，甫開埸即邊唱邊跳，跳唱《万刀甲》時亦完全沒影響表現。
小方尾場請來楊千嬅擔任嘉賓，兩人合唱《好心好報》後，小方指2001年做新人時，第一次上台面對現場觀眾唱歌，就是做千嬅的live嘉賓。千嬅表示懷念以前兩人在「金牌大風」的日子，因當時很有愛和溫度，也很開心小方每個階段自己也能參與一點，小方說：「所以我今次第一次開騷，一定要揾千嬅嚟做嘉賓，因為我第一次係奉獻咗俾你。」
提起家人即喊
小方在完騷後受訪，提起家人時喊，他指剛才唱《先苦後甜》時也有喊，因為一講起父母就好感動。太太葉萱給予101分及大讚演唱會好睇，小方指太太也有給他啟發：「佢同個女都有睇綵排，睇完佢話好似我由游水運動員，跟住轉型到做藝人，到做廿幾年之後上紅館，佢真係覺得好似所有嘅努力同經歷，就係成就咗今日呢個紅館，但佢同我講覺得我之後會更好嘅，所以呢個唔係終點，我就攞咗呢番說話同大家分享。」
問他是否沒打算請鄧麗欣（Stephy）做嘉賓？他聽後即說：「過咗去，個騷都過完仲問嘅。（有冇傳短訊？）唔講喇，（因為你哋嘅合唱歌都好經典。）冇咩回應。（係唔係太太唔鍾意？）唔係！唔係！唔係！」
