農夫與古仔成立公司 拒透露投資額
發佈時間：03:00 2026-05-11 HKT
《農夫全港最好笑嘅演唱會》一連三日在紅館舉行，當中最驚喜的莫過於兩人在舞台上舉行所屬公司「農作天下」極其隆重的開張大典，「白武士」兼老闆古天樂更被邀一同上台切燒豬，場面震撼又搞笑，而黃子華、佘詩曼尾場現身支持亦成為一大焦點。
演唱會昨日舉行尾場演出，觀眾席星光熠熠，包括張家輝與太太關詠荷、黃子華、佘詩曼及炎明熹等紛紛到場睇騷。在演唱《乜代宗師》前，農夫鼓動全場大叫「回水」、「除褲」呼應黃子華棟篤笑多年傳統，陸永更大膽笑言：「大家要對子華叫回水、對阿佘叫除褲！」C君則回溯農夫與黃子華及佘詩曼昔日合作，形容為《絕代商驕》、《棟篤特工》及《乜代宗師》班底重聚。黃子華近年成為電影票房神話，陸永便開玩笑指全因未繼續拖累黃子華：「農夫為《乜代宗師》做配樂，用咗好多個月終於搞掂，之後子華神就再冇搵我哋拍戲！」
陸永與C君完騷後受訪，表示事隔16年再到紅磡體育館舉行三場演唱會感到非常滿足，C君笑言：「16年前只得一場，今次三場進步咗三倍！」提到古天樂任嘉賓，更身兼老闆身份為「農作天下」舉行開張大典，陸永知道古天樂一向忙碌，但亦在完成其他活動後堅持出席，而共同籌組公司亦非秘密，C君笑言：「唔需要特登收埋，但真係冇人會問。」二人透露成立公司並非一朝一夕之事，從兩年前開始傾，傾到2025年成立，但二人就不願透露古天樂實際投資額。
感謝Twins捱義氣做嘉賓
對於演唱會頭場請來蔡卓妍（阿Sa）及鍾欣潼（阿嬌）做嘉賓，陸永表示親自邀請Twins出任：「阿嬌特登飛返嚟做嘉賓，原本打算做完英皇騷留港多幾日、但留唔到，所以又再隔幾日特登返嚟！」C君說：「都係友誼、動之以情，同埋大家都係可憐嘅心態，唔知我哋有冇下一次。」又認為是次嘉賓全部希望具有意義，將《學海無涯》配唱《士多啤梨蘋果橙》成為一種合襯配搭。而黃子華、佘詩曼一同出席尾場支持，對於未有邀請子華上台，C君表示：「唔好滾搞我哋心目中嘅神！」陸永感激黃子華出席，覺得願意觀賞已經面子十足，更感謝黃子華對今次演唱會提供許多建議及靈感：「其實佢係一個唔收錢嘅顧問！」
