陳家樂獲衛詩雅宣布爭影帝：感動昇華

更新時間：03:00 2026-03-02 HKT
發佈時間：03:00 2026-03-02 HKT

　　張繼聰、陳家樂、陳國邦及馬思惠昨日到銅鑼灣宣傳新戲《衝鋒：火拼》，張繼聰與陳家樂齊齊爭金像獎「最佳男主角」，二人由戲內鬥到戲外，張繼聰認為是大家雙贏，陳家樂則指由好友衛詩雅宣布入圍，將感動大大昇華。
張繼聰與陳家樂一同獲提名金像獎「最佳男主角」，名副其實由戲內鬥到戲外，張繼聰覺得是大家雙贏，陳家樂對入圍表示感動，因已入行19多年才第一次獲提名。好友衛詩雅宣布提名名單時亦感動到喊，家樂指她將那份感動昇華了很多，更自爆曾講笑地要求對方，無論提名有沒有自己名字也好，可扮嘢讀一下自己的名字，令他過癮下：「點知我一見到佢拆封信，個表情…咁好戲嘅你，到底你係做緊戲定真係感動？跟住見到佢越嚟越激動，本來我好平靜，就突然間有『有機會』嘅感覺，令到我好緊張，我唔敢去判斷…我諗佢真係好感動，因為我哋入行後一齊經歷咗大大小小嘅事，佢好戥我開心。」至於太太連詩雅，家樂就指她更激動，瘋狂大叫，家樂更承認媽媽幫他放天燈！他說︰「係呀，我最後一刻先同佢講我入咗圍，佢話知，跟住就send咗張相（天燈）俾我，嗰下搞到我真係忍唔住（爆喊）。」
張繼聰就指到時老婆謝安琪也一定會陪他去，因為就算喊和嬲也需要她去陪住自己。張繼聰又自爆與兒子張瞻到澳洲留學離別當日自己和老婆也有喊。
陳國邦自爆忘記結婚周年
陳國邦早前58歲生日，他指太太和女兒因為在泰國，所以當晚阮兆祥約了他出去食飯慶祝，又指現在對節日越來越沒有感覺，所以沒有慶祝，甚至連生日、結婚周年也不會記得，幸好與太太也不介意。馬思惠則透露VIVA正準備新歌舞蹈，或在4月出歌。

↓立即下載星島頭條App↓