波波黃婧靈將情人節留給愛犬

更新時間：03:00 2026-02-13 HKT
發佈時間：03:00 2026-02-13 HKT

　　黃婧靈（波波）與蔡景行（行仔）為飲食節目《美食新聞報道》「飾演」一日情侶，品嚐情人節套餐，不過波波笑言正日則會跟愛犬一齊過第一個情人節，並預告準備了大餐。

適逢本周六（14日）是情人節，由蔡景行、倪嘉雯、黃嘉雯等主持的飲食節目《美食新聞報道》，昨晚一集行仔同波波黃婧靈「飾演」一日情侶，推介一間情調跟食物都有質素的西餐廳，更品嘗情人節套餐，波波對菜式非常滿意，當品嚐招牌海鮮薄餅時，她更興奮說︰「成碟都係海鮮，最緊要啲芝士滿瀉出嚟。我食pizza最緊要係個芝士，呢個簡直擊中我要害！」而接下來的西冷牛肉薄切、黑松露細扁麵又再次擊中波波「要害」，原因是刨滿一碟芝士片的牛扒及芝士味極濃的意粉，完全俘獲波波這位「芝士狂人」。
為愛犬炮製情人節大餐
飽嚐了一頓情人節套餐後，行仔又帶波波歎人氣爆燈的可麗餅（Crêpe），分別點了士多啤梨香蕉配朱古力雪糕及抹茶紅豆白玉，二人還一塊菠蘿乾兩份食，幸福感滿滿，順利完成一日小情侶任務。提到情人節，波波表示今年比較特別，會跟愛犬一齊過第一個情人節，因愛犬今年剛好滿一歲，所以好期待，更透露準備了大餐，皆因自己真的很喜歡吃東西。

↓立即下載星島頭條App↓