揭露與佘詩曼淵源 陳百祥：我提攜佢出嚟
更新時間：03:00 2026-01-07 HKT
發佈時間：03:00 2026-01-07 HKT
發佈時間：03:00 2026-01-07 HKT
字體大小
苑瓊丹（苑仔）投資過千萬開直播公司，在佛山舉行開幕儀式邀一眾圈中好友陳百祥（阿叻）、陳浩民、鄭則士、黃一山、林子聰、金剛等出席。叻哥在活動自爆當年提攜出爐視后佘詩曼出道：「當年係我提攜佢出嚟，你哋知唔知？我喺意大利識佢媽媽，佢當年選香港小姐時，佢媽媽打比我話個囡選香港小姐，咁我話包佢頭三名，我諗住亂噏，點知佢真係第三！」提到好友曾志偉宣布卸任TVB總經理一職，叻哥祝福志偉：「替佢開心！功成身退！」
苑仔宣布與「視帝」陳山聰簽約拍住上做直播，山聰坦言有苑仔做「盲公竹」大感安心，因自己在內地經驗不及對方，又笑言未知直播收入，但兒子升讀小學所以要苑仔幫補補習費。
