張學友再現一字馬 力證寶刀未老
更新時間：03:00 2025-12-25 HKT
發佈時間：03:00 2025-12-25 HKT
發佈時間：03:00 2025-12-25 HKT
字體大小
「歌神」張學友第11度踏紅館舞台，創新紀錄成為在紅館累積演唱場次最多的歌手，多達203場！《張學友60+巡迴演唱會香港終章》前晚（23日）回歸紅館舉行頭場，64歲的學友雖然不時提及自己已「60+」，自爆懷疑今次是最後一次演出，他即席輕鬆落一字馬，向大家力證寶刀未老。
來到今次巡唱第305場，全場座無虛席，學友坦言在香港演出今次巡唱最終章是溫暖的事：「只要企喺度，我就會覺得我係張學友。」學友透露整個演唱會樂團及團隊休息了三星期，自爆有個不好習慣，一休息就病，小休小病，大休大病，「休息嘅第一星期，將之前嘅感冒清咗佢，之後諗住打下波，點知打完條腰就唔郁得，可能呢啲就係60+嘅問題。早幾年，我以為60歲好多優惠，但原來係65歲先有。但過幾個月我就65歲喇！」
「唔使驚，我仲喺度」
談到自己的歌陪伴大家走了41年，學友感慨稱懷疑又怕今次是最後一次演出，「唔知大家會唔會諗住今次係我最後一次開演唱會，所以無論如何都要睇咗先。我自己都覺得、懷疑、怕係最後一次。上一次我開時，都係怕、懷疑、以為係最後一次，但過幾年咪又係唱。」他說罷即席表演一字馬，再輕鬆站起來，力證自己寶刀未老稱：「所以唔使驚，我仲喺度。」
學友在Encore以高水準演繹《李香蘭》，他透露巡唱這兩年多，樂手、舞蹈員及幕後工作人員都有情侶結婚了，笑言這兩年發生很多事，當然沒發生在他身上，他並送上《你是我今生唯一傳奇》、《你的名字我的姓氏》等愛情組曲給新婚朋友們。最後學友以《吻別》結束首場「香港終章」演唱會。
