姜濤兩度淚灑舞台 同王嘉爾互訴淵源
發佈時間：03:00 2025-12-19 HKT
MIRROR成員姜濤的九場個人演唱會《KEUNG TO "LAVA" LIVE 2025》，前晚（17日）在亞博Arena舉行頭場演出，姜濤感觸淚灑舞台，坦言邀得王嘉爾擔任頭場嘉賓、感覺似發夢，並公開彼此淵源。難得王嘉爾久別返港演出，更與姜濤同台，日前網民預料一直喜歡兩位男神的鄭裕玲（Do姐）會捧場，結果當晚卻不見Do姐身影，而她竟然更已經取消追蹤兩男神的社交網，引來熱議。
Do姐在社交網向來只追蹤王嘉爾、姜濤和韓星任時完三位男星，雖然曾一度「彈弓手」按錯追蹤ERROR成員保錡，但近日網民卻發現Do姐社交網追蹤名單竟清零，已取消追蹤三位男神，沒再追蹤任何人。前晚姜濤再舉行個唱更邀得王嘉爾擔任頭場嘉賓，兩大男神同台合唱，卻未見Do姐入場睇騷。
「喺下面等你」引爆笑
前晚接近演唱會尾聲，姜濤介紹嘉賓王嘉爾出場，他坦言向對方學習多時，透露作品及紀錄片一直默默跟對方學習，沒想過能邀得對方做演唱會嘉賓。王嘉爾隨即出場，與姜濤合唱《Made Me a Man》，王嘉爾感謝姜濤邀請：「好榮幸見到你、愛人同家人。」姜濤即謂好似發夢，透露幾年前獲對方在社交網私訊給予好多鼓勵說話，王嘉爾亦表示：「一齊渡過風風雨雨，高高低低嘅係愛你嘅人，同愛我嘅人，希望你哋可以長長久久。」兩人又合唱《Every Single Time》，最爆笑是王嘉爾落台時跟姜濤握手謂：「喺下面等你。」惹全場大笑，姜濤則笑問對方：「你可唔可以返上嚟先。」
此外，姜濤在頭場已激動灑淚，獻唱《孤獨病》時以手拭淚，亦多次用手遮面，台下不少粉絲隨即大叫他的名字為他打氣，當唱《流浪星球》時又再落淚，更轉身背對觀眾，低頭掩面。全場粉絲於是齊聲接力大合唱，聲援偶像，姜濤說：「唔好意思！多謝大家幫我唱完呢首歌，呢個演唱會對我嚟講係考試，我知自己表演可能未夠好，希望大家睇完多畀意見，做得唔好嘅多多包涵，台前幕後會聽取。呢半年，我學識咗好多，I will be a better man！」
