Windy Yumi Arvin趣談心愛「主子」
更新時間：03:00 2025-11-09 HKT
發佈時間：03:00 2025-11-09 HKT
發佈時間：03:00 2025-11-09 HKT
字體大小
3位愛寵人氣偶像鍾柔美（Yumi）、詹天文（Windy）及曾傲棐（Arvin）昨日現身馬鞍山MOSTown新港城中心為「MOST-Exploring喵喵聖誕探險記」擔任揭幕禮嘉賓，甫出場即獲現場數百粉絲歡呼起哄，3位更率先到打卡區大拍萌爆照片及試玩主題體驗區，更寫下對未來祝福及願望於「漫『郵 』時光郵局」的「未來郵箱」寄出明信片。
養有7隻愛犬的Yumi興奮表示：「大家都知我超級鍾意動物特別係狗仔，每年聖誕最期待就係可以同狗仔去商場打卡影相，今次呢個mofusand夢幻聖誕村有咁多得意主題裝置同可愛造型，一定會同朋友再嚟逐個自拍留念！」 至於同有養貓的Windy及Arvin則於現場「𥄫實」3米高巨型毛茸Snowman mofusand，Windy笑謂：「我有收藏好多mofusand精品，鍾意佢有好多唔同造型同表情，好想帶我2隻貓貓Cinderella同Oreo一齊嚟玩，佢哋一定會好開心！」而Arvin則笑說：「其實我每日返屋企第一時間就係『吸貓』叉電，雖然蝦餃成日一副嫌棄嘅樣，我頭先寫咗準備去「漫『郵 』時光郵局」寄嘅明信片就係希望佢多啲同我傾偈同互動，比到我更多創作靈感寫多啲新歌俾粉絲 ！」
3位嘉賓更與現場粉絲們近距離互動，大餵蒙眼粉絲即場試食並估出「貓貓罐頭」，眾人手忙腳亂場面惹笑！ 而為了答謝粉絲親臨支持，三人更送上自己歌曲，與大家預祝甜蜜開心的聖誕佳節。
